Búgin fýtboldan Eýropa chempionatynyń finaldyq satysyndaǵy toptyq kezeńde Shotlandiia men Chehiia quramalary kezdesti, dep habarlaidy "Ult aqparat".
Atalǵan eki komanda D tobynda synǵa túsedi. Qarsylastary - Angliia jáne Horvatiia quramalary.
Bul topta keshe, 13 maýsymda Angliia Horvatiiany 1:0 esebimen jeńgen bolatyn.
Eki qurama buǵan deiin toǵyz márte sheberlik baiqasqan.
Onyń tórteýinde shotlandyqtar, tórteýinde chehiialyqtar jeńiske jetse, bireýinde teń nátije tirkeldi.
Aita keterligi, sońǵy tórt kezdesýde chehiialyqtar atalǵan qarsylasyn jeńe almai júrgen edi. Sol ketken eseni búgin qaitarýǵa tyrysty.
Kezdesý barysynda chehiialyq fýtbolshy Patrik Shik 42, 52-minýttarda mergendik tanytyp, óz quramasyn alǵa shyǵardy. Ol alǵashqy golyn alańnyń orta tusynan soqty.
Bul soqqyǵa shotlandiialyq qaqpashy Devid Marshall qarsy tura alǵan joq.
Sondai-aq, búgin taǵy eki kezdesý E tobynda ótkiziledi. Aldymen Polsha men Slovakiia jasyl alańǵa shyqsa, odan keiin Ispaniia men Shvetsiia sheberlik baiqasady.
Biylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady.
Fýtboldan Eýropa chempionaty 11 maýsymda bastaldy, ol 11 shildede máresine jetedi.
