Búgin fýtboldan Eýropa chempionatynyń alǵashqy jartylai finalynda Angliia men Daniia quramalary kezdesti, dep habarlaidy "Ult aqparat".
Eki qurama ózara 22 oiyn ótkizgen. Buǵan deiin 12-de aǵylshyndar jeńiske jetip, 4-de daniialyqtar basym tússe, qalǵanynda teń nátije tirkelgen bolatyn.
Aita keterligi, buǵan deiin aǵylshyndar 1968, 1996 jyldary qurlyqtyq dodanyń jartylai finalynda oiyn kórsetti. Ekeýinde de qarsylastaryna ese jiberip, qola júldeni qanaǵat tutqan edi.
Áli kúnge deiin Eýropa chempiony ataǵyna qol jetkize almai júr.
Sol ketken eseni búgin qaitarýǵa tyrysty.
Al Daniia 1992 jyly altynnan alqa taǵyp, 1984 jyly qola júldeger boldy.
Angliia quramasy aldymen óz qaqpasyna gol jiberip aldy. Daniialyq Mikkel Damsgor 30-minýtta mergendik tanytty. Al 39-minýtta daniialyq Simon Ker óziniń qaqpasyna gol soǵyp, tarazy basy teńesti.
Negizgi kezeńde 1:1 esebi tirkelip, oiyn overtaimǵa ulasty. Overtaimnyń 104-minýtta Garri Kein óziniń quramasyna jeńis syilady. Osylaisha Angliia óziniń tarihynda tuńǵysh ret qurlyqtyq dodanyń finalyna joldama aldy.
Eske salsaq, 6 shildede Italiia Ispaniiany jeńip, finalǵa joldama alǵan bolatyn.
Final 11 shildede Angliia astanasy London qalasyndaǵy «Ýembli» stadionynda ótkiziledi.
