بٷگٸن فۋتبولدان ەۋروپا چەمپيوناتىنىڭ العاشقى جارتىلاي فينالىندا انگلييا مەن دانييا قۇرامالارى كەزدەستٸ, دەپ حابارلايدى "ۇلت اقپارات".
ەكٸ قۇراما ٶزارا 22 ويىن ٶتكٸزگەن. بۇعان دەيٸن 12-دە اعىلشىندار جەڭٸسكە جەتٸپ, 4-دە دانييالىقتار باسىم تٷسسە, قالعانىندا تەڭ نەتيجە تٸركەلگەن بولاتىن.
ايتا كەتەرلٸگٸ, بۇعان دەيٸن اعىلشىندار 1968, 1996 جىلدارى قۇرلىقتىق دودانىڭ جارتىلاي فينالىندا ويىن كٶرسەتتٸ. ەكەۋٸندە دە قارسىلاستارىنا ەسە جٸبەرٸپ, قولا جٷلدەنٸ قاناعات تۇتقان ەدٸ.
ەلٸ كٷنگە دەيٸن ەۋروپا چەمپيونى اتاعىنا قول جەتكٸزە الماي جٷر.
سول كەتكەن ەسەنٸ بٷگٸن قايتارۋعا تىرىستى.
ال دانييا 1992 جىلى التىننان القا تاعىپ, 1984 جىلى قولا جٷلدەگەر بولدى.
انگلييا قۇراماسى الدىمەن ٶز قاقپاسىنا گول جٸبەرٸپ الدى. دانييالىق ميككەل دامسگور 30-مينۋتتا مەرگەندٸك تانىتتى. ال 39-مينۋتتا دانييالىق سيمون كەر ٶزٸنٸڭ قاقپاسىنا گول سوعىپ, تارازى باسى تەڭەستٸ.
نەگٸزگٸ كەزەڭدە 1:1 ەسەبٸ تٸركەلٸپ, ويىن وۆەرتايمعا ۇلاستى. وۆەرتايمنىڭ 104-مينۋتتا گارري كەين ٶزٸنٸڭ قۇراماسىنا جەڭٸس سىيلادى. وسىلايشا انگلييا ٶزٸنٸڭ تاريحىندا تۇڭعىش رەت قۇرلىقتىق دودانىڭ فينالىنا جولداما الدى.
ەسكە سالساق, 6 شٸلدەدە يتالييا يسپانييانى جەڭٸپ, فينالعا جولداما العان بولاتىن.
فينال 11 شٸلدەدە انگلييا استاناسى لوندون قالاسىنداعى «ۋەمبلي» ستاديونىندا ٶتكٸزٸلەدٸ.
