Eýropalyq dárilik zattar agenttigi Moderna kompaniiasynan 12-17 jas aralyǵyndaǵy balalardy koronavirýsqa qarsy vaktsinatsiialaýǵa arnalǵan COVID-19 «Spikevax» preparatyn maquldady, dep habarlaidy "Ult aqparat".
12 jastan 17 jasqa deiingi balalarda «Spikevax» vaktsinasyn qoldaný 18 jastan asqan adamdarmen birdei bolady. Preparat tórt apta aralyqpen iyqqa eki inektsiia arqyly engiziledi.
«Spikevax» tiimdiligin zertteýge 12 jastan 17 jasqa deiingi 3732 bala qatysty. Eýropalyq dári-dármek agenttiginiń baspasóz baianynda preparat 12-17 jas aralyǵyndaǵy balalarda 18-25 jas aralyǵyndaǵy jastarda (SARS-CoV-2-ge qarsy antideneler deńgeii boiynsha) baiqalǵan reaktsiiamen salystyrmaly antidene reaktsiiasyn týdyrdy dep kórsetilgen.
Vaktsina alǵan 2163 balanyń eshqaisysynda jalǵan inektsiia jasalǵan 1073 balanyń tórteýimen salystyrǵanda COVID-19 damymaǵan. Bul nátijelerge sáikes 12-17 jas aralyǵyndaǵy balalardaǵy Spikevax tiimdiligi eresekterge arnalǵan vaktsinaǵa uqsas degen qorytyndy jasaýǵa bolady.
Buǵan deiin eýropalyq retteýshi amerikalyq Pfizer kompaniiasynyń 12-17 jastaǵy balalarǵa arnalǵan vaktsinasyn maquldaǵan bolatyn.
