ەۋروپالىق دەرٸلٸك زاتتار اگەنتتٸگٸ Moderna كومپانيياسىنان 12-17 جاس ارالىعىنداعى بالالاردى كوروناۆيرۋسقا قارسى ۆاكتسيناتسييالاۋعا ارنالعان COVID-19 «Spikevax» پرەپاراتىن ماقۇلدادى, دەپ حابارلايدى "ۇلت اقپارات".
12 جاستان 17 جاسقا دەيٸنگٸ بالالاردا «Spikevax» ۆاكتسيناسىن قولدانۋ 18 جاستان اسقان ادامدارمەن بٸردەي بولادى. پرەپارات تٶرت اپتا ارالىقپەن يىققا ەكٸ ينەكتسييا ارقىلى ەنگٸزٸلەدٸ.
«Spikevax» تيٸمدٸلٸگٸن زەرتتەۋگە 12 جاستان 17 جاسقا دەيٸنگٸ 3732 بالا قاتىستى. ەۋروپالىق دەرٸ-دەرمەك اگەنتتٸگٸنٸڭ باسپاسٶز بايانىندا پرەپارات 12-17 جاس ارالىعىنداعى بالالاردا 18-25 جاس ارالىعىنداعى جاستاردا (SARS-CoV-2-گە قارسى انتيدەنەلەر دەڭگەيٸ بويىنشا) بايقالعان رەاكتسييامەن سالىستىرمالى انتيدەنە رەاكتسيياسىن تۋدىردى دەپ كٶرسەتٸلگەن.
ۆاكتسينا العان 2163 بالانىڭ ەشقايسىسىندا جالعان ينەكتسييا جاسالعان 1073 بالانىڭ تٶرتەۋٸمەن سالىستىرعاندا COVID-19 دامىماعان. بۇل نەتيجەلەرگە سەيكەس 12-17 جاس ارالىعىنداعى بالالارداعى Spikevax تيٸمدٸلٸگٸ ەرەسەكتەرگە ارنالعان ۆاكتسيناعا ۇقساس دەگەن قورىتىندى جاساۋعا بولادى.
بۇعان دەيٸن ەۋروپالىق رەتتەۋشٸ امەريكالىق Pfizer كومپانيياسىنىڭ 12-17 جاستاعى بالالارعا ارنالعان ۆاكتسيناسىن ماقۇلداعان بولاتىن.
