Eýroodaq Reseige eýro banknottaryn satýǵa, jóneltýge jáne eksporttaýǵa tyiym saldy. Bul jóninde Eýropa odaǵynyń resmi jýrnalynda jazylǵan. Bul tyiym jeke tulǵalar men kompaniialardyń barlyǵyna qatysty. Tek jeke saparda jumsaityn usaq aqshaǵa ǵana tyiym joq, dep habarlaidy Azattyq.
Buǵan qosa, "Otkrytie", "Novikombank", "Promsviazbank", "Rossiia", "Sovkombank", "VEB.RF" jáne "VTB" bankteri SWIFT halyqaralyq tólem júiesinen ajyratyldy.
Máskeý Ýkrainanyń shyǵysyndaǵy separatistik aimaqtardy qoldap, elge ásker kirgizgen 24 aqpannan beri AQSh pen Eýroodaq Reseige qatań sanktsiialar salyp jatyr. Eýropanyń birneshe saiasatkeri bul sanktsiialardyń maqsaty – Máskeýdi álem ekonomikasynan bólip tastaý ekenin aitty.
Eýroodaq elderi men AQSh Resei ushaqtaryn áýe keńistigine kirgizbeitin boldy. Boeing jáne Airbus ushaqtaryn el ishinde jóndeýge múmkindik berilmeidi, bul Reseidegi áýe tasymaly naryǵyna úlken qaýip tóndiredi. Buǵan qosa, Reseige zamanaýi elektronika taýarlary men munai óndirýge qajet tehnika jetkizýge de tyiym salynǵan. Ǵylymi áriptestikke de shek qoiyldy. Resei Ortalyq bankiniń memlekettik qaryzy da buǵattaldy. Alǵash ret Resei prezidenti Vladimir Pýtinniń ózine de sanktsiia salyndy.
Resei biligi ekonomika bul shekteýdiń bárine tótep beredi dep otyr. 2 naýryzda Kremldiń baspasóz hatshysy Dmitrii Peskov ekonomikaǵa "aýyr soqqy" tigenimen, Resei "nyq tura alatynyn" málimdedi.
