"Máskeýdegi ruqsat etilmegen mitingi kezinde politsiianyń azamattardy ustaýy beibit jinalý quqyǵy men pikir aitý erkindigine nuqsan keltiredi" dep málimdedi Eýropa Odaǵy.
"Adam quqyǵynyń negizgi túrleri Resei Konstitýtsiiasynda jazylǵan jáne bul quqyqtar qorǵalady dep oilaimyz" dedi Eýroodaqtyń syrtqy ister jáne qaýipsizdik máseleleri boiynsha joǵarǵy ókildiginiń baspasóz hatshysy Maiia Kosianchich.
Ol Eýroodaqtyń aldaǵy sailaýda Resei biligi EQYU jáne ózge de halyqaralyq uiymdar aldynda alǵan mindetterin oryndaidy dep úmittenetinin jetkizgen.
Munyń aldynda Amnesty International quqyq qorǵaý uiymy da ustalǵandardy bosatyp, kúshtik qurylym ókilderiniń áreketterin zertteýdi talap etken edi.
27 shildede Máskeýde qalalyq dýma sailaýyna qatysqysy kelgen táýelsiz kandidattardy qoldaý aktsiiasy ótti. IIM dereginshe, oǵan 3 500 adam qatysqan. Al "OVD-Info" quqyq qorǵaý portalynyń habarlaýynsha, sherýge odan da kóp adam qatysqan, 1 373 adam ustalǵan, olardyń 43-i - kámeletken tolmaǵandar. IIM 1074 adamnyń ustalǵanyn aitty. Aktsiiany taratý kezinde politsiia sherýshilerdi aiamai uryp-soǵyp, rezeńke taiaq qoldanǵan. Ondaǵan adam jaralanǵan.
Táýelsiz kandidattar aldaǵy ýaqytta jańa sherý ótkizetinin aityp otyr.
Buǵan deiin ondaǵan oppozitsiialyq jáne táýelsiz kandidattar saiasi sebeppen ózderin Máskeý qalalyq dýma sailaýyna jibermei otyrǵanyna shaǵymdanǵan edi. Olardyń basym bóliginiń aitýynsha, sailaý komissiiasy olardy qoldaityn azamattardyń qolyn tirkeýden bas tartqan.
- Máskeý qalalyq dýmasyna sailaý 8 qyrkúiekte ótedi. Bir mandattyq okrýg boiynsha barlyǵy 45 depýtat sailanady. Parlamentke enbegen partiiaǵa múshe adamdar sailaýǵa qatysý úshin birneshe myń sailaýshy qolyn jinaýy kerek.
- Keibir derekke qaraǵanda, reitingisi tómen bolýyna bailanysty "Edinaia Rossiia" depýtattaryn sailaýǵa usynbaǵan. Olar ózin-ózi usynǵan kandidat retinde sailaýǵa qatyspaq.
- Sailaýǵa tirkele almaǵan táýelsiz kandidattar arasynda máskeýlik depýtattar Ilia Iashin, Iýliia Galiamina, Jemqorlyqpen kúres qorynyń ókili Liýbov Sobol, Ivan Jdanov, saiasatkerler Dmitrii Gýdkov, Sergei Mitrohin bar.
