"مەسكەۋدەگٸ رۇقسات ەتٸلمەگەن ميتينگٸ كەزٸندە پوليتسييانىڭ ازاماتتاردى ۇستاۋى بەيبٸت جينالۋ قۇقىعى مەن پٸكٸر ايتۋ ەركٸندٸگٸنە نۇقسان كەلتٸرەدٸ" دەپ مەلٸمدەدٸ ەۋروپا وداعى.
"ادام قۇقىعىنىڭ نەگٸزگٸ تٷرلەرٸ رەسەي كونستيتۋتسيياسىندا جازىلعان جەنە بۇل قۇقىقتار قورعالادى دەپ ويلايمىز" دەدٸ ەۋرووداقتىڭ سىرتقى ٸستەر جەنە قاۋٸپسٸزدٸك مەسەلەلەرٸ بويىنشا جوعارعى ٶكٸلدٸگٸنٸڭ باسپاسٶز حاتشىسى ماييا كوسيانچيچ.
ول ەۋرووداقتىڭ الداعى سايلاۋدا رەسەي بيلٸگٸ ەقىۇ جەنە ٶزگە دە حالىقارالىق ۇيىمدار الدىندا العان مٸندەتتەرٸن ورىندايدى دەپ ٷمٸتتەنەتٸنٸن جەتكٸزگەن.
مۇنىڭ الدىندا Amnesty International قۇقىق قورعاۋ ۇيىمى دا ۇستالعانداردى بوساتىپ, كٷشتٸك قۇرىلىم ٶكٸلدەرٸنٸڭ ەرەكەتتەرٸن زەرتتەۋدٸ تالاپ ەتكەن ەدٸ.
27 شٸلدەدە مەسكەۋدە قالالىق دۋما سايلاۋىنا قاتىسقىسى كەلگەن تەۋەلسٸز كانديداتتاردى قولداۋ اكتسيياسى ٶتتٸ. ٸٸم دەرەگٸنشە, وعان 3 500 ادام قاتىسقان. ال "وۆد-ينفو" قۇقىق قورعاۋ پورتالىنىڭ حابارلاۋىنشا, شەرۋگە ودان دا كٶپ ادام قاتىسقان, 1 373 ادام ۇستالعان, ولاردىڭ 43-ٸ - كەمەلەتكەن تولماعاندار. ٸٸم 1074 ادامنىڭ ۇستالعانىن ايتتى. اكتسييانى تاراتۋ كەزٸندە پوليتسييا شەرۋشٸلەردٸ اياماي ۇرىپ-سوعىپ, رەزەڭكە تاياق قولدانعان. ونداعان ادام جارالانعان.
تەۋەلسٸز كانديداتتار الداعى ۋاقىتتا جاڭا شەرۋ ٶتكٸزەتٸنٸن ايتىپ وتىر.
بۇعان دەيٸن ونداعان وپپوزيتسييالىق جەنە تەۋەلسٸز كانديداتتار ساياسي سەبەپپەن ٶزدەرٸن مەسكەۋ قالالىق دۋما سايلاۋىنا جٸبەرمەي وتىرعانىنا شاعىمدانعان ەدٸ. ولاردىڭ باسىم بٶلٸگٸنٸڭ ايتۋىنشا, سايلاۋ كوميسسيياسى ولاردى قولدايتىن ازاماتتاردىڭ قولىن تٸركەۋدەن باس تارتقان.
- مەسكەۋ قالالىق دۋماسىنا سايلاۋ 8 قىركٷيەكتە ٶتەدٸ. بٸر مانداتتىق وكرۋگ بويىنشا بارلىعى 45 دەپۋتات سايلانادى. پارلامەنتكە ەنبەگەن پارتيياعا مٷشە ادامدار سايلاۋعا قاتىسۋ ٷشٸن بٸرنەشە مىڭ سايلاۋشى قولىن جيناۋى كەرەك.
- كەيبٸر دەرەككە قاراعاندا, رەيتينگٸسٸ تٶمەن بولۋىنا بايلانىستى "ەدينايا روسسييا" دەپۋتاتتارىن سايلاۋعا ۇسىنباعان. ولار ٶزٸن-ٶزٸ ۇسىنعان كانديدات رەتٸندە سايلاۋعا قاتىسپاق.
- سايلاۋعا تٸركەلە الماعان تەۋەلسٸز كانديداتتار اراسىندا مەسكەۋلٸك دەپۋتاتتار يليا ياشين, يۋلييا گاليامينا, جەمقورلىقپەن كٷرەس قورىنىڭ ٶكٸلٸ ليۋبوۆ سوبول, يۆان جدانوۆ, ساياساتكەرلەر دميتريي گۋدكوۆ, سەرگەي ميتروحين بار.
