Eýropalyq odaq Ortalyq Aziiadaǵy Arnaiy ókili men óńirdegi delegatsiialary arqyly Qyrǵyzstan men Tájikstan biligimen turaqty diplomatiialyq qatynas júrgizip otyr, dep habarlaidy "Ult aqparat".
EO beisenbi kúni Qyrǵyz Respýblikasy men Tájikstannyń oq jaýdyrýdy toqtatý jáne aldaǵy ýaqytta shekara máselesin saiasi retteý boiynsha kelissózder júrgizý týraly qol jetkizgen kelisimin quptaidy.
«Biz sońǵy kúnderi oryn alǵan zorlyq týraly málimetterdi kóńilsiz qabyldap, týystary men dostarynan aiyrylǵan jandarǵa qaiǵyryp kóńil aitamyz», dep habarlaidy Eýropalyq odaq.
Janjaldy beibit jolmen sheshý úshin kelisim shyǵarý qajet. Eki tarap ta bolashaqta qandai da bir janjaldan aýlaq bolý úshin barlyq tiisti qadamdar jasaýy tiis.
«EO qajettilik týyndaǵan jaǵdaida shekarany jáne sý resýrstaryn basqarýmen, sondai-aq EO-nyń Ortalyq Aziia boiynsha Strategiianyń basty basymdyǵy bolyp tabylatyn aimaqtyń turaqtylyǵy men gúldenýin saiasi qoldaýǵa bailanysty aimaqtyq baǵdarlamalarynyń aiasynda tehnikalyq kómegin kórsetýge daiyn», - dep atap ótti Eýropalyq komissiianyń ókili Peter Stano.
