Eýropalyq keńestiń prezidenti Sharl Mishel men Eýrokomissiia basshysy Ýrsýla fon der Liaien Amerika prezidenti Donald Tramptyń koronavirýs indetine bailanysty Eýropadan kelýshilerge AQSh-qa kirýge tyiym salý týraly sheshimin aiyptady, dep habaralidy QazAqparat.
«Koronavirýs – bul jahandyq daǵdarys, ol qandai da bir kontinentpen shektelmeidi jáne birjaqty áreketterdi emes, yntymaqtastyqty talap etedi», - delingen beisenbi kúni taratylǵan birlesken málimdemede .
«Eýropalyq odaq elge kirýge tyiym salýdy engizý týraly AQSh-tyń sheshimi birjaqty tártipte jáne keńespei qabyldanǵanyn maquldamaidy», - dep atap ótti Mishel men fon der Liaien.
Alaida olar «Eýropalyq odaq virýstyń taralýyn shekteý úshin batyl sharalardy qabyldaýda» dep sendirdi.
Eske sala keteiik, buǵan deiin AQSh prezidenti Donald Tramp koronavirýstyń taralýyna jol bermeý úshin Qurama Shtattardyń Eýropamen aradaǵy kez kelgen qatynasy, sonymen birge teńiz jáne áýe tasymalynyń 30 kúnge jabylatynyn jariialaǵan bolatyn.
