Amsterdamda match aldyndaǵy shoý barysynda ÝEFA EÝRO-2020 resmi boitumaryn tanystyrdy. Onyń esimi - Skillzi. EÝRO-2020 boitumary fristail men kóshe fýtbolyn jaqsy kóredi, dep habarlady QazAqparat uefa.com saityna siltememen.
Niderland - Germaniia arasyndaǵy Eýropa chempionatynyń irikteý matchyna jinalǵan 55 myń kórermen tanymal fristailerler Liv Kýk jáne Tobias Bekspen birge Skillzidiń tehnikasyna kýá boldy.
«Bizge fristail men kóshe fýtbolynyń ádemiligin búkil Eýropanyń jankúierlerine kórsetýge tamasha múmkindik týdy», - dedi Liv.
EÝRO-2020 chempionaty ótetin 12 eldiń turǵyndary video túsirip, óz qalasyn tanystyra alady. Liv pen Tobias úzdik videolardy iriktep, daýys berýge shyǵarady. Sodan keiin jankúierler EÝRO-2020 ár qalasynan bir qyz ben bir jigitti tańdaidy. Eýropa birinshiligi Amsterdam, Baký, Bilbao, Býdapesht, Býharest, Glazgo, Dýblin, Kopengagen, London, Miýnhen, Rim jáne Sankt-Peterbýrg qalalarynda ótedi. Osy irikteýden ótken 24 adam túrli sharalarda óz múmkindikterin kórsete alady.
«EÝRO-2020 tarihtaǵy eń iri sporttyq sharalardyń biri bolmaq. Fristail ony qyzyqtyraq ete túsedi», - dedi fristaildan Eýropanyń burynǵy chempiony norvegiialyq Tobias.
