QR Tuńǵysh Prezidenti Nursultan Nazarbaev Astana Club plenarlyq otyrysynda Eýraziia qaýipsizdigi boiynsha ózekti máselelerdi atady, dep habarlaidy QazAqparat.
«Derjavalar arasyndaǵy jahandyq qarama-qaishylyq tehnologiialar salasyna aýysty. Qytailyq Huawei kompaniiasynyń oqiǵasy álemdik derjavalar arasyndaǵy geosaiasi narazylyqtyń tehnologiia salasyna, elektronika óndirisine eriksiz yqpal etetinin kórsetti. AQSh pen Qytai arasyndaǵy shielenistiń artýy álemdik joǵary tehnologiialar naryǵyn turaqsyzdandyryp, jahandyq tehnologiialyq tizbektiń buzylýyna ákep soqty», - dedi Elbasy plenarlyq otyrystyń ashylýynda.
Sonymen birge, Elbasy orasan múmkindikter men orasan syn-qater ákelýi múmkin jasandy intellektiniń qarqyndy damyp kele jatqanyn atap ótti. Onyń aitýynsha, jasandy intellekt búginde turaqtylyqty buzý men gibridtik soǵystardyń mańyzdy quralyna ainaldy.
«Besinshiden, Taiaý Shyǵystaǵy, jahandyq energetikalyq qaýipsizdik boiynsha mańyzdy ról oinaityn aimaqtaǵy jaǵdai kúrdelene tústi. Energiia tasymaldaýshylardyń 30 paiyzynyń Ormýz buǵazy arqyly ótetinin bilemiz. AQSh-tyń Iran boiynsha iadrolyq kelisimnen shyǵýy da óńirdegi jaǵdaidy shielenistirip jiberdi. Bul kelisimniń ornaýyna Qazaqstan kezinde úles qosqan bolatyn. Sizder talqyǵa salǵan osyndai úrdisterdiń barlyǵy Eýraziiadaǵy qaýipsizdik júiesin qaita retke keltirýdi, jańa sapalyq túrin jasap shyǵarýdy qajet etedi», - dedi Nursultan Nazarbaev.
Aita keteiik, 11-12 qarasha kúnderi «Nazarbaev Ortalyǵynda» álemniń jetekshi diplomattary men saiasatkerleriniń jáne sarapshylarynyń basyn qosatyn «Astana klýbynyń» besinshi otyrysy ótýde. Mereitoilyq otyrys taqyryby «Úlken Eýraziia: jahandyq yntymaqtastyqtyń jańa qurylymy jolynda» dep atalady. Klýbtyń saraptamalyq talqylaýyna AQSh, Qytai jáne Resei arasyndaǵy qyrǵi-qabaqtyń ýshyǵýy, saýda protektsionizmi men popýlistik kóńil-kúidiń artýy, sondai-aq Iran men Soltústik Koreia tóńireginde jańa shielenisterdiń boi kórsetýi máseleleri arqaý bolmaq.
Buǵan deiin Astana Club sarapshylary Eýraziianyń basty 10 syn-qaterin jariialaǵan edi
