Memleket basshysy Qasym-Jomart Toqaev qazaqtar men orystar, jalpy eýraziialyqtar birge bolýy qajet dep sanaidy.
"Rossiia 24" telearnasyna bergen suhbatynda Toqaev orystar men qazaqtardyń kúshi shyndyqta ekenin aitty, dep habarlaidy Sputnik Qazaqstan agenttigi.
"Shyn mánisinde, men orystar men qazaqtar birge bolýy kerek dep sanaimyn. Men jýyrda Bishkekte ótken ekonomikalyq forýmda "eýraziialyqtar, biz bárimiz eýraziialyqtarmyz ǵoi, birge bolýymyz kerek" degen edim. Bul tirkesti orys tilinde osydan kóp jyl buryn Keńes odaǵyn 32 jyl basqarǵan adam aityp edi. Osy sózimnen keiin meni sol kisiniń jankúieri dep aiyptady. Shyn mánisinde, men onyń jankúieri emespin. Biz Eýraziiada ornalasqanbyz, sol sebepti birge bolýymyz kerek. Men buǵan kámil senemin. Budan biz utylmaimyz, kerisinshe utamyz", - dedi Prezident.
Ol qazaqtar men orystardyń mentaliteti, oilaýy uqsaitynyn aitty. Muny da eskerý qajet ekenin atap ótti.
Aita keteiik, Qazaqstan Prezidenti Qasym-Jomart Toqaev Reseide júr. 17 maýsymda ol Peterbýrg halyqaralyq ekonomikalyq forýmynyń 25-mereitoilyq jiynyna qatysady. Memleket basshysy forýmnyń plenarlyq otyrysynda sóz sóilep, birqatar ekijaqty kezdesý ótkizedi dep josparlanǵan.
