مەملەكەت باسشىسى قاسىم-جومارت توقاەۆ قازاقتار مەن ورىستار, جالپى ەۋرازييالىقتار بٸرگە بولۋى قاجەت دەپ سانايدى.
"روسسييا 24" تەلەارناسىنا بەرگەن سۇحباتىندا توقاەۆ ورىستار مەن قازاقتاردىڭ كٷشٸ شىندىقتا ەكەنٸن ايتتى, دەپ حابارلايدى Sputnik قازاقستان اگەنتتٸگٸ.
"شىن مەنٸسٸندە, مەن ورىستار مەن قازاقتار بٸرگە بولۋى كەرەك دەپ سانايمىن. مەن جۋىردا بٸشكەكتە ٶتكەن ەكونوميكالىق فورۋمدا "ەۋرازييالىقتار, بٸز بەرٸمٸز ەۋرازييالىقتارمىز عوي, بٸرگە بولۋىمىز كەرەك" دەگەن ەدٸم. بۇل تٸركەستٸ ورىس تٸلٸندە وسىدان كٶپ جىل بۇرىن كەڭەس وداعىن 32 جىل باسقارعان ادام ايتىپ ەدٸ. وسى سٶزٸمنەن كەيٸن مەنٸ سول كٸسٸنٸڭ جانكٷيەرٸ دەپ ايىپتادى. شىن مەنٸسٸندە, مەن ونىڭ جانكٷيەرٸ ەمەسپٸن. بٸز ەۋرازييادا ورنالاسقانبىز, سول سەبەپتٸ بٸرگە بولۋىمىز كەرەك. مەن بۇعان كەمٸل سەنەمٸن. بۇدان بٸز ۇتىلمايمىز, كەرٸسٸنشە ۇتامىز", - دەدٸ پرەزيدەنت.
ول قازاقتار مەن ورىستاردىڭ مەنتاليتەتٸ, ويلاۋى ۇقسايتىنىن ايتتى. مۇنى دا ەسكەرۋ قاجەت ەكەنٸن اتاپ ٶتتٸ.
ايتا كەتەيٸك, قازاقستان پرەزيدەنتٸ قاسىم-جومارت توقاەۆ رەسەيدە جٷر. 17 ماۋسىمدا ول پەتەربۋرگ حالىقارالىق ەكونوميكالىق فورۋمىنىڭ 25-مەرەيتويلىق جيىنىنا قاتىسادى. مەملەكەت باسشىسى فورۋمنىڭ پلەنارلىق وتىرىسىندا سٶز سٶيلەپ, بٸرقاتار ەكٸجاقتى كەزدەسۋ ٶتكٸزەدٸ دەپ جوسپارلانعان.
