2019 jyldyń sońyna deiin «EAEO múshe memleketterdiń azamattaryn jumysqa ornalastyrý jáne jumyspen qamtýdyń tsifrlyq ekojúielik modelin ázirleý» jobasyn bastaýǵa arnalǵan qujattar paketin daiyndaý josparlanýda, dep habarlaidy "Ult aqparat" QR Eńbek jáne halyqty áleýmettik qorǵaý ministrligine silteme jasap.
«Joǵaryda atalǵan elektrondyq birjalar eńbek resýrstarynyń biryńǵai naryǵyn damytýǵa jáne Eýraziialyq ekonomikalyq odaqtyń múshe memleketteriniń azamattaryn jumysqa ornalastyrýdy jeńildetýge múmkindik beredi. Elektrondyq qujattamany engizý qajettiligi jumys berýshilerdi eńbek zańnamasynyń talaptaryn oryndaýǵa itermelep, jumysshylardyń quqyqtary men eńbek kóshi-qonynyń saqtalýyn baqylaýǵa múmkindik beredi», delingen habarlamada.
Esterińizge sala keteiik, qańtarda Máskeýde Eýraziialyq ekonomikalyq komissiia keńesiniń otyrysynda QR Eńbek jáne halyqty áleýmettik qorǵaý ministrligi Eýraziialyq elektrondyq eńbek birjasyn qurý týraly bastama kótergen bolatyn. EAEO múshe memleketteriniń Úkimet basshylary elektrondyq eńbek birjasynyń jobasyn ázirleýge kelisti.
