Qiyndyqtarǵa qaramastan, Eýraziialyq ekonomikalyq odaqtyń bolashaǵy bar. Bul týraly Peterbýrg halyqaralyq ekonomikalyq forýmynyń plenarlyq otyrysynda Qazaqstan Prezidenti Qasym-Jomart Toqaev málim etti, dep habarlaidy QazAqparat.
Qazaqstan óziniń saýda-ekonomikalyq strategiiasynda sanktsiialardy eskeredi - Prezident
«Qazaqstanǵa qatysty aitatyn bolsam, bizdiń elge tikelei qysym jasalyp jatyr dep aitpas edim», - dedi Memleket basshysy.
Osy oraida Prezident sanktsiialar kelissózben sheshiletinin atap ótti.
«Árine, bizdiń saýda-ekonomikalyq strategiiamyzda bul sanktsiialardy eskeremiz. Alaida Reseimen aradaǵy bizdiń burynǵy sharttarmen bailanysty Qazaqstannyń mindettemeleri bar. Oǵan qosa, tarihty aitpaǵannyń ózinde, geografiiamyz bizge óte erekshe jaǵdaida birge jumys isteýmiz qajettigin meńzep otyr», - dedi Toqaev.
Prezident eki el arasynda jańa jaǵdaida ónerkásip kooperatsiiasynyń arnaiy baǵdarlamasy bar ekenin eske saldy.
«Atap aitqanda, qiyndyqtarǵa qaramastan, Eýraziialyq ekonomikalyq odaqtyń bolashaǵy bar. Osy odaqqa kirýdi durys sanaǵan elder eleýli ekonomikalyq kúsh pen áleýetti qurap otyr», - dedi Memleket basshysy.
Degenmen Prezident naqty qiyndyqtar áli de bar ekenin atap ótti. Sondyqtan ózara qolaily sheshimderdi izdestirýdegi kelissózder protsesinde tiisti máselelerdi sheshýge erekshe ekpin qoiylady.
