Integratsiianyń bir máni pikir ustanymdar alýandyǵynda. QR Prezidenti Qasym-Jomart Toqaev Eýraziialyq ekonomikalyq forýmynyń jalpy otyrysynda osyndai pikir bildirdi, dep habarlaidy QazAqparat.
«Qazirgi tańda Eýraziialyq ekonomikalyq komissiianyń aiasynda ótip jatqan keńesterdiń qorytyndysy boiynsha kedergilerdiń 80 paiyzy alynyp tastaldy. Bul jumys jalǵasady dep úmittenemiz. Jalpy integratsiia degen úlken eńbekti qajet etetin úderis. Bul – múshe memleketterdiń búkil qatysýshylardyń kóńiline jaǵatyndai negizde ymyrada bolýy. Qol jetkizilgen kelisimderge árdaiym kóńilimiz tola bermeidi. Integratsiianyń bir máni osynda», - dedi Prezident.
Sondai-aq Memleket basshysy Qazaqstannyń eýraziialyq integratsiia máselesindegi ustanymyna airyqsha toqtaldy.
«Ortaq is úshin keide óz múddeńdi túsire turýǵa bolady. Qazaqstan Eýraziialyq ekonomikalyq komissiia iskerlik jolmen, naqty nátijeni kózdep jumys istegenin qoldaidy. Kez kelgen máselege óte iskerlik baǵytpen kelý kerek. Óitkeni halqymyz máseleniń uzyn arqaýmen sheshilgenin kútip otyrmaidy. Olar máselelerdiń dál qazir jáne keleshekte ózderi kórgisi keletindei etip sheshilgenin qalaidy», - dedi Qasym-Jomart Toqaev.
