QR Memlekettik hatshysy Qyrymbek Kósherbaev QR Prezidenti Qasym-Jomart Toqaevtyń XVII Eýraziialyq media forým qatysýshylaryna quttyqtaý lebizin oqyp berdi, dep habarlaidy QazAqparat.
«Sizderdi XVII Eýraziia media forýmsyda kórgenime qýanyshtymyn. 19 jyl ishinde forým búkil aimaqtyń jetekshi mediaplatformalarynyń birine ainaldy. Bul shara dástúrli túrde talantty jýrnalister men mediamenedjerlerdi, tanymal saiasatkerler men bedeldi sarapshylardy biriktiredi. Al forýmda talqylanatyn máseleler aýqymy media salasynan áldeqaida asyp ketti», - dedi Memleket basshysy.
«Tutastai qamtylǵan jahandyq transformatsiia, irgeli ózgerister men áleýmettik protsester kezeńinde barynsha ótkir máselelerdi ashyq talqylap, olardy sheshý joldaryn birge tabý burynǵydan da mańyzdy bop otyr. Koronadaǵdarystyń bastalýymen búkil álemde sapaly aqparatqa qoǵamdyq suranys kúsheie tústi, jalǵan aqparatpen kúresýdiń shuǵyl qajettigi týyndady. Forým osy baǵyttaǵy ózekti úrdister men tásilderdi talqylaýǵa tamasha múmkindik beredi», - dep atap ótti Prezident.
Qasym-Jomart Toqaevtyń aitýynsha, jańa realiialar mediasferanyń aldyna jańa mindetter qoiyp otyr, onyń bolashaǵy atalǵan mindetterdiń sheshilýine bailanysty.
Tsifrlandyrý protsesi de aitarlyqtai jedeldedi.
Aýditoriianyń qalaýy men ádetteri jyldam ózgerýde, aqparat berýdiń jańa formattary paida bolyp, áleýmettik jeliler ózgerip keledi.
«Bul máseleni kásibi turǵydan talqylaý BAQ-tyń damýyna jańa serpin beredi dep esepteimin. El Táýelsizdiginiń 30 jyldyǵyna arnalǵan sessiia da mazmundy bolatynyna senimdimin. Qazaqstannyń júieli jańǵyrý joly men halyq birligin saqtaýdyń biregei tájiribesi erekshe nazar aýdarýǵa laiyq. Bizdiń memleketimizdiń strategiialyq baǵytynyń mańyzdy quramdas bóligi – ashyq dialog pen jan-jaqty áriptestik. Bul rette forým zamanaýi mediatrendterdi uǵynýǵa ǵana emes, halyqaralyq formattaǵy yntymaqtastyq kókjiegin keńeitýge de yqpal etedi deýge bolady. Qazaqstan árdaiym syndarly kún tártibin ilgeriletýge múddeli jáne barlyq salada, sonyń ishinde media jáne kreativti indýstriia salasynda birlesken jobalardy iske asyrýǵa daiyn», - dedi Qasym-Jomart Toqaev.
