قر مەملەكەتتٸك حاتشىسى قىرىمبەك كٶشەرباەۆ قر پرەزيدەنتٸ قاسىم-جومارت توقاەۆتىڭ XVII ەۋرازييالىق مەديا فورۋم قاتىسۋشىلارىنا قۇتتىقتاۋ لەبٸزٸن وقىپ بەردٸ, دەپ حابارلايدى قازاقپارات.
«سٸزدەردٸ XVII ەۋرازييا مەديا فورۋمsyدا كٶرگەنٸمە قۋانىشتىمىن. 19 جىل ٸشٸندە فورۋم بٷكٸل ايماقتىڭ جەتەكشٸ مەدياپلاتفورمالارىنىڭ بٸرٸنە اينالدى. بۇل شارا دەستٷرلٸ تٷردە تالانتتى جۋرناليستەر مەن مەديامەنەدجەرلەردٸ, تانىمال ساياساتكەرلەر مەن بەدەلدٸ ساراپشىلاردى بٸرٸكتٸرەدٸ. ال فورۋمدا تالقىلاناتىن مەسەلەلەر اۋقىمى مەديا سالاسىنان ەلدەقايدا اسىپ كەتتٸ», - دەدٸ مەملەكەت باسشىسى.
«تۇتاستاي قامتىلعان جاھاندىق ترانسفورماتسييا, ٸرگەلٸ ٶزگەرٸستەر مەن ەلەۋمەتتٸك پروتسەستەر كەزەڭٸندە بارىنشا ٶتكٸر مەسەلەلەردٸ اشىق تالقىلاپ, ولاردى شەشۋ جولدارىن بٸرگە تابۋ بۇرىنعىدان دا ماڭىزدى بوپ وتىر. كوروناداعدارىستىڭ باستالۋىمەن بٷكٸل ەلەمدە ساپالى اقپاراتقا قوعامدىق سۇرانىس كٷشەيە تٷستٸ, جالعان اقپاراتپەن كٷرەسۋدٸڭ شۇعىل قاجەتتٸگٸ تۋىندادى. فورۋم وسى باعىتتاعى ٶزەكتٸ ٷردٸستەر مەن تەسٸلدەردٸ تالقىلاۋعا تاماشا مٷمكٸندٸك بەرەدٸ», - دەپ اتاپ ٶتتٸ پرەزيدەنت.
قاسىم-جومارت توقاەۆتىڭ ايتۋىنشا, جاڭا رەالييالار مەدياسفەرانىڭ الدىنا جاڭا مٸندەتتەر قويىپ وتىر, ونىڭ بولاشاعى اتالعان مٸندەتتەردٸڭ شەشٸلۋٸنە بايلانىستى.
تسيفرلاندىرۋ پروتسەسٸ دە ايتارلىقتاي جەدەلدەدٸ.
اۋديتورييانىڭ قالاۋى مەن ەدەتتەرٸ جىلدام ٶزگەرۋدە, اقپارات بەرۋدٸڭ جاڭا فورماتتارى پايدا بولىپ, ەلەۋمەتتٸك جەلٸلەر ٶزگەرٸپ كەلەدٸ.
«بۇل مەسەلەنٸ كەسٸبي تۇرعىدان تالقىلاۋ باق-تىڭ دامۋىنا جاڭا سەرپٸن بەرەدٸ دەپ ەسەپتەيمٸن. ەل تەۋەلسٸزدٸگٸنٸڭ 30 جىلدىعىنا ارنالعان سەسسييا دا مازمۇندى بولاتىنىنا سەنٸمدٸمٸن. قازاقستاننىڭ جٷيەلٸ جاڭعىرۋ جولى مەن حالىق بٸرلٸگٸن ساقتاۋدىڭ بٸرەگەي تەجٸريبەسٸ ەرەكشە نازار اۋدارۋعا لايىق. بٸزدٸڭ مەملەكەتٸمٸزدٸڭ ستراتەگييالىق باعىتىنىڭ ماڭىزدى قۇرامداس بٶلٸگٸ – اشىق ديالوگ پەن جان-جاقتى ەرٸپتەستٸك. بۇل رەتتە فورۋم زاماناۋي مەدياترەندتەردٸ ۇعىنۋعا عانا ەمەس, حالىقارالىق فورماتتاعى ىنتىماقتاستىق كٶكجيەگٸن كەڭەيتۋگە دە ىقپال ەتەدٸ دەۋگە بولادى. قازاقستان ەردايىم سىندارلى كٷن تەرتٸبٸن ٸلگەرٸلەتۋگە مٷددەلٸ جەنە بارلىق سالادا, سونىڭ ٸشٸندە مەديا جەنە كرەاتيۆتٸ يندۋسترييا سالاسىندا بٸرلەسكەن جوبالاردى ٸسكە اسىرۋعا دايىن», - دەدٸ قاسىم-جومارت توقاەۆ.
