QR Prezidenti Qasym-Jomart Toqaev eldi jańǵyrtý isine assambleianyń ǵylymi-sarapshylyq áleýetin tolyǵymen jumyldyrý qajettigin aitty, dep habarlaidy QazAqparat.
«Halyqtyń birligin nyǵaitýmen keshendi túrde ainalysyp, elimizdegi ahýaldy turaqsyzdandyrý talpynystaryn der kezinde beitaraptandyrý qajet.
Bul saladaǵy qatelikter óte qymbatqa túsetinin, buǵan deiingi jetistikterimizdiń bárin joqqa teńeýi múmkin ekenin túsiný mańyzdy», - dedi Prezident Qazaqstan halqy Assambleiasynyń HHHI sessiiasynda.
Memleket basshysy assambleianyń ǵylymi-sarapshylyq áleýetine de toqtaldy.
«Elimizdi jańǵyrtý isine assambleianyń ǵylymi-sarapshylyq áleýetin tolyǵymen jumyldyrǵan jón. Etnosaralyq saladaǵy búkil problemalyq máseleler men ózekti tendentsiialar jariia túrde tereń zerttelip, talqylanýy kerek. Biz birligimizge neniń qaýip tóndirip turǵanyn aiqyn túsinip, ashyq aitýǵa mindettimiz. Onyń ózinde etnosaralyq salaǵa tek assambleianyń qyzmeti ǵana kirmeitinin, áleýmettik blokqa jatatyn ministrlikterdiń, ákimdikterdiń, jalpy Úkimettiń qyzmeti de kiretinin aiqyn aitýymyz kerek», - dedi Qasym-Jomart Toqaev.
