Etnomádeni birlestikter Memleket basshysynyń bastamalaryn qoldady, dep habarlaidy "Ult aqparat" Qazaqstandaǵy koreiler assotsiatsiiasyna silteme jasap.
"Búgingi tańda resei-ýkrain qaqtyǵysyna bailanysty halyqaralyq ahýaldyń shielenisýi jaǵdaiynda elimizdiń Prezidenti Q.K.Toqaev halyqaralyq aýditoriianyń nazaryn jan-jaqty dialogty damytý qajettiligine durys aýdaryp otyr.
«Amanat» partiiasynyń sezinde sóilegen sózinde ol: «Bizdiń ustanymymyz memleketimizdiń qaýipsizdigin, egemendigi men aýmaqtyq tutastyǵyn qamtamasyz etýdi kózdeidi. Biz 2010 jyly Eýropadaǵy qaýipsizdik jáne yntymaqtastyq uiymynyń sammitin ótkizgen el retinde eýraziialyq qaýipsizdiktiń tutastyǵy qaǵidatyna beiildimiz...
Sondyqtan biz eki memleketti kelissóz ústelinde ortaq til tabysýǵa, ýaǵdalastyq pen kelisimge kelýge shaqyramyz. Basqa jol joq. Jaqsy janjaldan jaman tatýlyq artyq. Beibitshiliksiz damý bolmaidy», - dep atap ótti.
Sonymen qatar, álemdegi geosaiasi shielenistiń kúsheiýiniń osynaý qiyn jaǵdaiynda qoǵamymyzdyń ishki toptasýyn saqtaý mindeti burynǵydan da ózekti ári mańyzdy bola túsýde. Biz barlyq jaýapty qoǵamdyq kúshterdi, azamattarymyzdy Memleket basshysy Q.K.Toqaevtyń jańa baǵyty tóńiregine toptasýǵa, jalpyulttyq yntymaq pen birlikti nyǵaitýǵa, eldi damytýǵa baǵyttalǵan jasampaz saiasatyn qoldaýǵa shaqyramyz.
Biz beibit aspan, ár shańyraqta bereke-birlikti saqtaý – keleshek urpaq aldyndaǵy qasietti ortaq boryshymyz ekenine tereń senimdimiz. Jańa Qazaqstandy birge quraiyq!" - delingen habarlamada.
