Foto:inbusiness.kz alyndy
Biznes-immigranttar jáne suranysqa ie mamandar bolyp tabylatyn basqa eldiń azamattaryna – etnikalyq qazaqtarǵa Qazaqstanda 10 jyl ómir súrýge jáne jumys isteýge quqyq beretin 55 «Ata joly» kartasy berildi, -dep habarlaidy "Ult Aqparat".
Jergilikti atqarýshy organdarǵa «Ata joly» kartasyn alýǵa barlyǵy 75 ótinim tústi. 2023 jyly 44 karta: biznes-immigranttarǵa 20 karta jáne suranysqa ie mamandarǵa 24 karta berildi. Biyl 11 karta berildi: biznesmenderge 5 jáne suranysqa ie mamandarǵa 6 karta.
«Ata joly» kartasyn alǵandardyń arasynda injener-fizik, injener-matematik, himiialyq tehnologtar, jaq-bet hirýrgiiasy dárigerleri, pediatrlar jáne t. b. siiaqty mamandar bar, olar 15 elden keldi: Resei, Qytai, Aýǵanstan, Mońǵoliia, AQSh, Avstriia, Izrail, Germaniia, Túrkiia, Ózbekstan, Qyrǵyzstan, Niderland, Finliandiia, Frantsiia jáne Túrikmenstan.
«Ata joly» kartasyn engizýdiń maqsaty tarihi otanmen bailanysty nyǵaitý, ulttyq dástúrlerdi saqtaý, Qazaqstanda olardyń áleýetin iske asyrý úshin elge kásipqoilar men tabysty biznesmenderdi tartý bolyp tabylady. Karta shetelde turatyn etnikalyq qazaqtarǵa azamattyǵyn saqtai otyryp beriledi.
«Ata joly» kartasynyń iegerleri elge kirgen kezde 10 jyl merzimge turýǵa ruqsat alady jáne eńbek qyzmetin júzege asyrý nemese biznes júrgizý úshin qonystaný óńirin derbes tańdaidy.
«Ata joly» kartasy bar etnikalyq qazaq basqa eldiń azamaty bola otyryp, Qazaqstan azamattarymen jáne qandastarmen teń quqyqtarǵa ie bolady, bul onyń qandastan erekshelegi.
«Ata joly» kartasynyń iegerleri (jáne olardyń otbasy músheleri) mynadai quqytarǵa ie:
- meditsinalyq kómektiń kepildik berilgen kólemi sheńberinde meditsinalyq mekemelerde áleýmettik tólemder alý jáne qyzmet kórsetý;
- QR Eńbek kodeksine jáne «Halyqtyń kóshi-qony týraly» QR Zańyna sáikes Qazaqstan aýmaǵynda jumysqa ornalasý;
- QR Kásipkerlik kodeksine jáne ózge de quqyqtyq aktilerine sáikes Qazaqstan aýmaǵynda kásipkerlik qyzmetti júzege asyrý;
- «Bilim týraly» QR zańyna sáikes memlekettik bilim berý uiymdarynda tegin orta bilim alý, memlekettik orta arnaýly jáne/nemese joǵary oqý oryndarynda konkýrstyq negizde tegin orta arnaýly jáne/nemese joǵary bilim alý, jeke oqý oryndarynda aqyly bilim alý;
- «Advokattyq qyzmet jáne zań kómegi týraly» QR zańyna sáikes memleket kepildik bergen zań kómegin alý;
- azamattyq salasyndaǵy halyqaralyq sharttarǵa jáne QR zańnamalyq quqyqtyq aktilerine sáikes jeńildetilgen tártippen Qazaqstan Respýblikasynyń azamattyǵyn alý.
«Ata joly» kartasy bar adamdardyń sailaýǵa jáne QR Parlamenti men máslihattaryna sailanýǵa, respýblikalyq referendýmǵa qatysýǵa quqyǵy joq jáne memlekettik qyzmetke kire almaidy.
Eger «Ata joly» kartasynyń iesi Qazaqstan azamattyǵyn alsa, karta jaramsyz dep tanylady.
Esterińizge sala keteiik, Memleket basshysynyń tapsyrmasy boiynsha 2023 jyldyń shildesinen bastap shetelde turatyn etnikalyq qazaqtar úshin elge jeńil kirý/shyǵý máselesi pysyqtalǵan «Ata joly» kartasy engizildi.
.jpeg)