© Photo: pixabay / congerdesign
Et baǵasynyń qatty ósýine negiz joq. Bul týraly Aýyl sharýashylyǵy ministri Erbol Qarashókeev málimdedi, dep habarlaidy Sputnik Qazaqstan.
Ministr et baǵasyna boljam jasaǵanda birneshe faktordy eskerý kerek ekenin aitty. Birinshisi – mal basy. Ekinshisi – qarjylandyrý máselesi.
"Qazir et óndirisiniń kólemi ósip jatyr. Mal basy da artýda. Iri qara, usaq maldyń óńdelgen etiniń eksporty ulǵaiyp jatyr. Sondyqtan ahýal turaqty. Endi baǵa máselesine kelsek, ózderińiz bilesizder, mal sharashýalyǵynyń óz shyǵyndary bar. Satyp alatyn janar-jaǵarmaidan bastap, osy salaǵa qajet dúnieniń bári qymbattap jatyr. Sondyqtan birshama ósim bolýy múmkin", - dedi Qarashókeev Úkimet úiinde ótken baspasóz máslihatynda.
Biraq ministr ettiń qatty qymbattaýyna negiz joq ekenin atap ótti.
"Et naryǵynda jaǵdai turaqty. Sol sebepti et baǵasynyń qatty ósýine negiz joq", dedi ministr.
