Búgingi tańda Túrkistan oblysynda et eksporty boiynsha kásip kósh bastap, dóńgelep tur. Onyń birden bir dáleli, atalǵan óńirde 5,4 myń tonna múiizdi iri qara etin eksporttap, respýbika boiynsha iri qara eti eksportynyń 74%-yn ielendi. Iaǵni atalǵan oblys iri qara mal eksporttaýdan respýblika boiynsha 1 orynǵa shyqty, - dep habarlaidy «Ult aqparat».
Ulttyq banktiń málimdeýinshe, epidemiologiialyq jaǵdai turaqtalsa, soǵan sai álemdik ekonomika men ishki suranys qalpyna kelse, 2021 jyldyń ekinshi jartysyna qarai jalpy ishki ónim (JIÓ) jaǵymdy zonaǵa qarai aýysady. Bul týraly bank basshylyǵy bylai túsindirip otyr:
«Osy jyldyń ósim qarqyny 3,7–4,0 paiyz bolady. 2022 jyldyń birinshi jarty jyldyǵynda osy ósim qarqyny saqtalady degen boljam bar. Epidemologiialyq jaǵdaidyń jaqsarýy tutynýshylar arasynda belsendilikti arttyryp, eńbek naryǵyndaǵy jaǵdaidy qalpyna keltiredi, halyqtyń shynaiy tabysy men tutyný nesieleriniń artýyna yqpal etedi. Birqatar óńirde karantindik shekteýlerdi qaita engizýmen kúsheigen ishki suranystyń aitarlyqtai aiqyn dezinfliatsiialyq yqpalyna bailanysty infliatsiia boljamy tómen qarai qaita qaraldy. Jyldyń qorytyndysy boiynsha jyldyq infliatsiia 7,3–7,5 paiyz sheginde baǵalanyp otyr» deidi Ulttyq bank tóraǵasynyń orynbasary Aqyljan Baimaǵambetov.
Joǵarydaǵy et eksporty boiynsha, Túrkistan oblysy qoi etiniń 38% (491,1 tn.), qus etiniń 25% (2734,3 tn.) eksporttaidy. Máselen, biyl jyl basynan beri eki aida 454,5 tonna siyr eti, 84 tonna qoi eti, 400 tonna qus eti eksporttaldy.
Esterińizde bolsa, 2011 jyly QR Úkimeti tarapynan qabyldanǵan «Iri qara mal etiniń eksporttyq áleýetin damytý» jobasy jáne osynyń aiasynda júzege asyrylyp jatqan salalyq «Sybaǵa», «Altyn asyq», «Qulan» nesielik baǵdarlamalary óńirde mal sharýashylyǵyn damytýǵa úlken serpin berip, mal basy men ónimdilik jyldyq 6-7 %-ǵa ósim turaqty qamtamasyz etildi. Bul týraly oblys ákimi bylai deidi:
«Byltyr oblystan tiridei 39 myńdai bas iri qara, 18 myń bas qoi, 664 bas jylqy eksporttalsa, 2021 jyldyń 2 aiynyń ózinde 20 myńnan astam iri qara mal, 18 myńǵa jýyq qoi, 30 bas jylqy, 15 bas túie eksporttaldy», - dedi Túrkistan oblysynyń ákimi Ómirzaq Shókeev.
Búgingi kúnde, oblysta 1000 bastan joǵary 22 mal bordaqylaý alańdary (syiymdylyǵy 42,7 myń bas), 400 – 1000 bas aralyǵynda 18 mal bordaqylaý alańdary (syiymdylyǵy 8,0 myń bas), 50 – 400 bastyq 82 shaǵyn mal bordaqylaý alańdary (syiymdylyǵy 9,8 myń bas) jáne 10 – 15 bastyq 10265 otbasylyq alańshalar (syiymdylyǵy 113,0 myń bas) jumys jasap jatyr. Atalǵan bordaqylaý alańdarynda 131,0 myń bas buqashyq bordaqylanýda.
Oblysta mal sharýashylyǵy ónimdiligin arttyrý úshin aýyl sharýashylyǵy janýarlaryn asyldandyrýǵa mán berilgen. Osy oraida, qolda bar iri qara analyqtyń 38% asyl tuqymdy buqamen túrlendirilip, qatysý úlesi jóninen Respýblikada – 2 oryn bolsa, qoidyń 73% asyl tuqymdy qoshqarlarmen túrlendirilip, Respýblikada – 1 orynda. Sonymen qatar, sońǵy 3 jylda shet elderden 20 myń bas asyl tuqymdy analyq iri qara mal satyp alyndy.
Esterińizge sala keteiik, Túrkistan oblysy 5,4 myń tonna múiizdi iri qara etin eksporttap, respýbika boiynsha iri qara eti eksportynyń 74%-yn ielendi. Iaǵni atalǵan oblys iri qara mal eksporttaýdan respýblika boiynsha 1 orynǵa shyqty. Sonymen qatar, Túrkistan oblysy qoi etiniń 38% (491,1 tn.), qus etiniń 25% (2734,3 tn.) eksporttaidy. Máselen, biyl jyl basynan beri eki aida 454,5 tonna siyr eti, 84 tonna qoi eti, 400 tonna qus eti eksporttaldy.
