Foto: Gov.kz.
Bul týraly Ortalyq kommýnikatsiialar qyzmetiniń alańynda oblystyń áleýmettik-ekonomikalyq damýy týraly baspasóz máslihatynda Túrkistan oblysynyń ákimi Darhan Satybaldy málim etti.
– Túrkistan oblysy et eksporty boiynsha elimizde kóshbasshy sanalady. Eksporttaǵy iri qara mal etiniń 80%-y, iaǵni, 6,9 myń tonnasy, qoi etiniń 75%-y óńirimizge tiesili. 4,7 myń tonna qoi eti eksporttaldy. Aýstraliia eliniń tájiribesin qoldanyp, et klasterin damytýdy josparlap otyrmyz. Zamanaýi mal birjasy, bordaqylaý kesheni, et ónimderin tereń jáne qaita óńdeý baǵytynda 5 jobany iske asyrý kózdelýde. Bul baǵytta 55 mlrd. teńge kóleminde investitsiia salynyp, 600 jumys orny quryldy. 35 myń tonna ónim shyǵarylady, – dedi Darhan Satybaldy.
Aimaqta sút óndirisin ulǵaitý, óńdeý kásiporyndarynyń qýattylyǵyn arttyrý boiynsha 2 iri taýarly sút fermasy jobasy júzege asyryldy (12,6 myń sút ). Jobalardyń quny – 7,8 mlrd. teńge.
