"Izvestiia" gazetiniń tilshisi Kseniia Soldatova men operator Dmitrii Timofeevtiń vizasy joiylyp, Eýropa odaǵyna úsh jylǵa deiin kirýge tyiym salynǵan. "Olardy 12 tamyzdan 13 tamyzǵa qaraǵan túni Estoniiada ustaǵan", - dep habarlaidy "Nastoiashee vremia".
"Jaramsyz vizamen júrgen ekeýdiń Estoniiaǵa qandai maqsatpen, ne úshin kelgeni belgisiz dep kórsetken" deidi Izvestiia.
Soldatova men Timofeevtiń 12 tamyzda Narva qalasynan Tallinge bara jatqan poiyzda ustap, politsiiaǵa aparǵan, telefondaryn alyp qoiǵan. "Izvestiia" "qyzmetkerlerimiz Estoniiaǵa týrist retinde bardy, biraq keiingi kezderi Estonoiiada bolyp jatqan oqiǵalardy kórmegendei otyra almady. Olar Resei azamattaryna viza berýdi shekteý men T-34 tankisin eskertkish retinde qarastyratyn qujatty joiý týraly material ázirlemek boldy", – deidi "Izvestiianyń" telegram-arnasy.
Shyǵys prefektýranyń shekara basqarmasynyń bastyǵy Ýrmas Elmi Delfi basylymyna bergen túsiniktemesinde "Izvestiia qyzmetkerleri Estoniiada propagandamen ainalysty" dep málimdedi.
11 tamyzda Estoniia biligi Shengen vizasy bar Resei azamattaryn elge kirgizbeý jóninde sheshim qabyldaǵan.
