"يزۆەستييا" گازەتٸنٸڭ تٸلشٸسٸ كسەنييا سولداتوۆا مەن وپەراتور دميتريي تيموفەەۆتٸڭ ۆيزاسى جويىلىپ, ەۋروپا وداعىنا ٷش جىلعا دەيٸن كٸرۋگە تىيىم سالىنعان. "ولاردى 12 تامىزدان 13 تامىزعا قاراعان تٷنٸ ەستونييادا ۇستاعان", - دەپ حابارلايدى "ناستوياششەە ۆرەميا".
"جارامسىز ۆيزامەن جٷرگەن ەكەۋدٸڭ ەستونيياعا قانداي ماقساتپەن, نە ٷشٸن كەلگەنٸ بەلگٸسٸز دەپ كٶرسەتكەن" دەيدٸ يزۆەستييا.
سولداتوۆا مەن تيموفەەۆتٸڭ 12 تامىزدا نارۆا قالاسىنان تاللينگە بارا جاتقان پويىزدا ۇستاپ, پوليتسيياعا اپارعان, تەلەفوندارىن الىپ قويعان. "يزۆەستييا" "قىزمەتكەرلەرٸمٸز ەستونيياعا تۋريست رەتٸندە باردى, بٸراق كەيٸنگٸ كەزدەرٸ ەستونوييادا بولىپ جاتقان وقيعالاردى كٶرمەگەندەي وتىرا المادى. ولار رەسەي ازاماتتارىنا ۆيزا بەرۋدٸ شەكتەۋ مەن ت-34 تانكٸسٸن ەسكەرتكٸش رەتٸندە قاراستىراتىن قۇجاتتى جويۋ تۋرالى ماتەريال ەزٸرلەمەك بولدى", – دەيدٸ "يزۆەستييانىڭ" تەلەگرام-ارناسى.
شىعىس پرەفەكتۋرانىڭ شەكارا باسقارماسىنىڭ باستىعى ۋرماس ەلمي Delfi باسىلىمىنا بەرگەن تٷسٸنٸكتەمەسٸندە "يزۆەستييا قىزمەتكەرلەرٸ ەستونييادا پروپاگاندامەن اينالىستى" دەپ مەلٸمدەدٸ.
11 تامىزدا ەستونييا بيلٸگٸ شەنگەن ۆيزاسى بار رەسەي ازاماتتارىن ەلگە كٸرگٸزبەۋ جٶنٸندە شەشٸم قابىلداعان.
