Resei týyn tigip alyp teńizde júrgen kemelerge 17 sáýirden bastap Eýropa odaǵy elderi portyna kirýine tyiym salyndy. Reseige qarsy mundai sharaǵa Estoniia, Belgiia men Bolgariia da qosyldy. Onyń aldynda Rýmyniia men Italiia reseilik kemelerdiń kelýine tyiym salǵan, dep habarlaidy Azattyq.
Bul – Eýropa elderi Reseige Ýkrainaǵa qarsy basqynshylyǵy úshin Eýropa odaǵy salǵan sanktsiialardyń besinshi paketine sáikes qabyldanǵan shara. Máskeý Ýkrainaǵa soǵys ashqan 24 aqpanǵa deiin Resei týy astynda júrip, sodan keiin basqa eldiń týyn ilip alǵan kemeler de osy sanktsiiaǵa iligedi.
Estoniia ekonomika jáne infraqurylym ministri Taavi Asstyń málimdeýinshe, kúlli Eýropa Reseige táýeldi bolmaý úshin ekonomikalyq qyzmetin qaita qarap jatyr.
"Kreml agressiiasyn doǵaratyn syńai tanytpai otyr, sondyqtan Eýropa [Máskeýdiń] basqynshylyq soǵysty jalǵastyrý nieti oǵan óte qymbatqa túsetindei etýdiń strategiialyq joldaryn qarastyryp jatyr. Elder ǵana emes, Reseimen qandai da bir bailanysy bar kásiporyndar da ekonomikalyq qyzmetin jańa jaǵdaiǵa qaita beiimdeýi tiis" degen Aas.
Resei týymen júrgen kemeler Estoniia porttaryna tek kómek qajet bolǵan erekshe jaǵdaida, onyń ózinde politsiia departamenti men shekara kúzetin aldyn ala eskertkennen keiin kirýi múmkin dep habarlaǵan.
Bolgariia biligi de óz aýmaǵyndaǵy teńiz jáne ózen porttaryna Resei kemeleriniń kirýine tyiym saldy. Bul týraly aqparat osy eldiń teńiz ákimshiligi portalynda jariialandy.
Buǵan deiin Eýrokomissiia basshysy Ýrsýla fon der Liaien Resei ónerkásibine yqpal etý maqsatynda reseilik kemelerdiń Eýropa porttaryna kirýine tyiym salynatynyn málimedegen.
