ESPN Deportes málimetinshe, Gennadii Golovkin men Saýl «Kanelo» Alvares arasyndaǵy jekpe-jekter trilogiiasynyń sońǵy bóligi biylǵy jyldyń qyrkúieginde ótýi múmkin, dep habarlaidy Sports.kz.
Alaida Golovkinniń meksikalyq sportshy Haime Mýngiiamen mamyr aiynda josparlanǵan aiqasynda basym túsýi bunyń mindetti sharty bolyp otyr. Atalǵan judyryqtasýdyń jeńimpazy ringte Alvareske qarsy shyǵý múmkindigin aitarlyqtai arttyrady.
«Eger Golovkin (Mýngiiamen aiqasta) jeńse, qyrkúiekte «Kanelomen» úshinshi jekpe-jektiń ótkizilýine qol jetkizedi, al eger Haime jeńse, bul bolashaqta «Kaneloǵa» qarsy shyǵa alatyn jańa juldyzdyń janǵany», - dep jazdy jýrnalist Salvador Rodriges.
Golovkin-Mýngiia arasyndaǵy jekpe-jektiń ótkizilýine boksshylardyń taraptary da, DAZN strimingtik qyzmeti de qyzyǵýshylyq tanytyp otyr.
