ESPN Deportes مەلٸمەتٸنشە, گەنناديي گولوۆكين مەن ساۋل «كانەلو» الۆارەس اراسىنداعى جەكپە-جەكتەر تريلوگيياسىنىڭ سوڭعى بٶلٸگٸ بيىلعى جىلدىڭ قىركٷيەگٸندە ٶتۋٸ مٷمكٸن, دەپ حابارلايدى Sports.kz.
الايدا گولوۆكيننٸڭ مەكسيكالىق سپورتشى حايمە مۋنگييامەن مامىر ايىندا جوسپارلانعان ايقاسىندا باسىم تٷسۋٸ بۇنىڭ مٸندەتتٸ شارتى بولىپ وتىر. اتالعان جۇدىرىقتاسۋدىڭ جەڭٸمپازى رينگتە الۆارەسكە قارسى شىعۋ مٷمكٸندٸگٸن ايتارلىقتاي ارتتىرادى.
«ەگەر گولوۆكين (مۋنگييامەن ايقاستا) جەڭسە, قىركٷيەكتە «كانەلومەن» ٷشٸنشٸ جەكپە-جەكتٸڭ ٶتكٸزٸلۋٸنە قول جەتكٸزەدٸ, ال ەگەر حايمە جەڭسە, بۇل بولاشاقتا «كانەلوعا» قارسى شىعا الاتىن جاڭا جۇلدىزدىڭ جانعانى», - دەپ جازدى جۋرناليست سالۆادور رودريگەس.
گولوۆكين-مۋنگييا اراسىنداعى جەكپە-جەكتٸڭ ٶتكٸزٸلۋٸنە بوكسشىلاردىڭ تاراپتارى دا, DAZN ستريمينگتٸك قىزمەتٸ دە قىزىعۋشىلىق تانىتىپ وتىر.
