Elimizde koronavirýs indetine qarsy vaktsina alý mindetin engizý josparlanyp otyr. Osy oraida "vaktsinadan bas tartqan qyzmetkerler qalai jumys isteidi" degen suraqqa QR Densaýlyq saqtaý ministrligi sanitarlyq-epidemiologiialyq baqylaý komitetiniń tóraǵasy Aijan Esmaǵambetova jaýap berdi, dep habarlaidy "Ult aqparat".
«Búginde álem boiynsha 189 mln jaǵdai tirkeldi. Aita ketý kerek, sońǵy apta ishinde álem boiynsha koronavirýs indetine shaldyqqandar sany 2 esege artyp otyr. Derttiń údeie túsýi delta-shtammen de bailanysty, búginde atalǵan infektsiia túri 100-den astam elde tirkeldi. Qazaqstan 26 maýsymnan bastap «qyzyl aimaqta» tur. Elimizde 13 óńir indet qaýpi tónip turǵan aimaqtar qatarynda. Qazaqstanda COVID indetiniń taralýy ókinishke qarai ósip otyr», - dedi Aijan Esmaǵambetova OKQ-de ótken baspasóz máslihatynda.
Komitet basshysy búginde elimizdiń barlyq aýmaǵynda karantindik shekteýlerdiń qatańdatylyp jatqanyn alǵa tartty.
«Eńbek kodeksine sáikes jumys berýshi vaktsina almaǵan qyzmetkerdi jumystan bosatýǵa quqyǵy bar. Maqsat – jumystan qýý emes, kerisinshe ujymdaǵy basqa da azamattardyń densaýlyǵyn saqtap, qaýipsizdikti qamtamasyz etý. Qyzmetker jumystan ýaqytsha bosatylady, iaǵni vaktsina alǵan jaǵdaida ol óz jumysyn qaita jalǵastyra alady. Sondai-aq, vaktsina almaǵan jaǵdaida qyzmetker aptasyna bir PTR test tapsyrýyna da bolady», - deidi ol.
