ەلٸمٸزدە كوروناۆيرۋس ٸندەتٸنە قارسى ۆاكتسينا الۋ مٸندەتٸن ەنگٸزۋ جوسپارلانىپ وتىر. وسى ورايدا "ۆاكتسينادان باس تارتقان قىزمەتكەرلەر قالاي جۇمىس ٸستەيدٸ" دەگەن سۇراققا قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا جاۋاپ بەردٸ, دەپ حابارلايدى "ۇلت اقپارات".
«بٷگٸندە ەلەم بويىنشا 189 ملن جاعداي تٸركەلدٸ. ايتا كەتۋ كەرەك, سوڭعى اپتا ٸشٸندە ەلەم بويىنشا كوروناۆيرۋس ٸندەتٸنە شالدىققاندار سانى 2 ەسەگە ارتىپ وتىر. دەرتتٸڭ ٷدەيە تٷسۋٸ دەلتا-شتاممەن دە بايلانىستى, بٷگٸندە اتالعان ينفەكتسييا تٷرٸ 100-دەن استام ەلدە تٸركەلدٸ. قازاقستان 26 ماۋسىمنان باستاپ «قىزىل ايماقتا» تۇر. ەلٸمٸزدە 13 ٶڭٸر ٸندەت قاۋپٸ تٶنٸپ تۇرعان ايماقتار قاتارىندا. قازاقستاندا COVID ٸندەتٸنٸڭ تارالۋى ٶكٸنٸشكە قاراي ٶسٸپ وتىر», - دەدٸ ايجان ەسماعامبەتوۆا وكق-دە ٶتكەن باسپاسٶز مەسليحاتىندا.
كوميتەت باسشىسى بٷگٸندە ەلٸمٸزدٸڭ بارلىق اۋماعىندا كارانتيندٸك شەكتەۋلەردٸڭ قاتاڭداتىلىپ جاتقانىن العا تارتتى.
«ەڭبەك كودەكسٸنە سەيكەس جۇمىس بەرۋشٸ ۆاكتسينا الماعان قىزمەتكەردٸ جۇمىستان بوساتۋعا قۇقىعى بار. ماقسات – جۇمىستان قۋۋ ەمەس, كەرٸسٸنشە ۇجىمداعى باسقا دا ازاماتتاردىڭ دەنساۋلىعىن ساقتاپ, قاۋٸپسٸزدٸكتٸ قامتاماسىز ەتۋ. قىزمەتكەر جۇمىستان ۋاقىتشا بوساتىلادى, ياعني ۆاكتسينا العان جاعدايدا ول ٶز جۇمىسىن قايتا جالعاستىرا الادى. سونداي-اق, ۆاكتسينا الماعان جاعدايدا قىزمەتكەر اپتاسىنا بٸر پتر تەست تاپسىرۋىنا دا بولادى», - دەيدٸ ول.
