QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova vaktsina alyp keiin koronavirýs juqtyrǵandar statistikasy týraly aityp berdi, dep habarlaidy QazAqparat.
«Barlyǵy 4,8 million vaktsina saldyrǵan adamdardyń 0,06% koronavirýs juqtyrǵan. Naqty sandarmen aitsaq, isterdiń jalpy sany – 3165 naýqas tirkelgen. Onyń ishinde birinshi komponentten keiin – 1684, ekinshi komponentten keiin-1481 adam aýyrǵan. Vaktsinalar boiynsha, «Spýtnik V» vaktsinasynan keiin – 2791, Hayat Vax – 293, CoronaVac – 18, QazVac – 59 adam aýyrǵan. Mundai az kórsetkishtiń bolýy da vaktsinanyń tiimdiligin kórsetedi», - dedi Esmaǵambetova Ortalyq kommýnikatsiialar qyzmetinde ótken brifingte.
Sonymen birge, spiker Pavlodar oblysynda koronavirýstan qaitys bolǵan áieldiń ólimi vaktsinamen bailanysty emestigin aitty.
«Shynynda da mundai jaǵdai bar, biraq bul jaǵdai vaktsinalaýmen bailanysty emes. Ol maýsym aiynyń sońynda birinshi komponentti saldyrǵan, ókinishke orai, vaktsina alǵan soń eki aptadan keiin kóz jumdy. Patologiialyq-anatomiialyq ashý nátijeleri boiynsha, oǵan kardiomiopatiia diagnozy qoiylǵan. Demek, bul vaktsinalaýmen bailanysty emes, ásirese osynsha ýaqyttan keiin vaktsinalaý áseri bolmaidy», - dep túsindirdi Esmaǵambetova.
