قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا ۆاكتسينا الىپ كەيٸن كوروناۆيرۋس جۇقتىرعاندار ستاتيستيكاسى تۋرالى ايتىپ بەردٸ, دەپ حابارلايدى قازاقپارات.
«بارلىعى 4,8 ميلليون ۆاكتسينا سالدىرعان ادامداردىڭ 0,06% كوروناۆيرۋس جۇقتىرعان. ناقتى ساندارمەن ايتساق, ٸستەردٸڭ جالپى سانى – 3165 ناۋقاس تٸركەلگەن. ونىڭ ٸشٸندە بٸرٸنشٸ كومپونەنتتەن كەيٸن – 1684, ەكٸنشٸ كومپونەنتتەن كەيٸن-1481 ادام اۋىرعان. ۆاكتسينالار بويىنشا, «سپۋتنيك V» ۆاكتسيناسىنان كەيٸن – 2791, Hayat Vax – 293, CoronaVac – 18, QazVac – 59 ادام اۋىرعان. مۇنداي از كٶرسەتكٸشتٸڭ بولۋى دا ۆاكتسينانىڭ تيٸمدٸلٸگٸن كٶرسەتەدٸ», - دەدٸ ەسماعامبەتوۆا ورتالىق كوممۋنيكاتسييالار قىزمەتٸندە ٶتكەن بريفينگتە.
سونىمەن بٸرگە, سپيكەر پاۆلودار وبلىسىندا كوروناۆيرۋستان قايتىس بولعان ەيەلدٸڭ ٶلٸمٸ ۆاكتسينامەن بايلانىستى ەمەستٸگٸن ايتتى.
«شىنىندا دا مۇنداي جاعداي بار, بٸراق بۇل جاعداي ۆاكتسينالاۋمەن بايلانىستى ەمەس. ول ماۋسىم ايىنىڭ سوڭىندا بٸرٸنشٸ كومپونەنتتٸ سالدىرعان, ٶكٸنٸشكە وراي, ۆاكتسينا العان سوڭ ەكٸ اپتادان كەيٸن كٶز جۇمدى. پاتولوگييالىق-اناتومييالىق اشۋ نەتيجەلەرٸ بويىنشا, وعان كارديوميوپاتييا دياگنوزى قويىلعان. دەمەك, بۇل ۆاكتسينالاۋمەن بايلانىستى ەمەس, ەسٸرەسە وسىنشا ۋاقىتتان كەيٸن ۆاكتسينالاۋ ەسەرٸ بولمايدى», - دەپ تٷسٸندٸردٸ ەسماعامبەتوۆا.
