QR Memlekettik bas sanitarlyq dárigeri Aijan Esmaǵambetova kei óńirde koronavirýs juqtyrǵandardyń sanynyń azaimai, tipti órship bara jatqanyna bailanysty halyqty taǵy da karantin tártibin qatań saqtaýǵa shaqyrdy, dep habarlaidy QazAqparat.
«Qazaqstanda qazirgi tańda koronavirýs juqtyrǵan azamattardyń aýrý belgisin baiqamai nemese jeńil túrde kóteretinderdiń úlesi - 79 paiyz. Qalǵan 18 paiyzy aýrýdy ortasha jaǵdaida bastan ótkerse, 21 adamnyń jaǵdaiy aýyr, al 2 adamnyń jaǵdaiy asa aýyr kúide bolyp otyr», - dedi Aijan Esmaǵambetova OKQ-da onlain rejimde ótken baspasóz máslihatynda.
Memlekettik bas sanitarlyq dárigerdiń aitýynsha eldegi statsinarlarda 1180 em alýda. Koronavirýs juqtyrǵan adamdardyń báriniń de jaǵdaiy baqylaýǵa alynǵan.
«Jalpy virýs oshaqtarynda bailansta bolǵan 31 512 adam anyqtaldy. Onyń ishinde 30 850 adam (nemese 98 paiyzy) oqshaýlanǵan. Jalpy aýrýdy juqtyrý deńgeii elde 15 paiyzdyq mólsherde. Alaida keibir óńirlerde bul kórsetkish 20-dan 60 paiyzǵa deiingi shamany kórsetýde. Bul jaǵdai ár óńirde engizilgen karantin tártibin qatań saqtaýǵa májbúrleidi», - dedi ol.
