قر مەملەكەتتٸك باس سانيتارلىق دەرٸگەرٸ ايجان ەسماعامبەتوۆا كەي ٶڭٸردە كوروناۆيرۋس جۇقتىرعانداردىڭ سانىنىڭ ازايماي, تٸپتٸ ٶرشٸپ بارا جاتقانىنا بايلانىستى حالىقتى تاعى دا كارانتين تەرتٸبٸن قاتاڭ ساقتاۋعا شاقىردى, دەپ حابارلايدى قازاقپارات.
«قازاقستاندا قازٸرگٸ تاڭدا كوروناۆيرۋس جۇقتىرعان ازاماتتاردىڭ اۋرۋ بەلگٸسٸن بايقاماي نەمەسە جەڭٸل تٷردە كٶتەرەتٸندەردٸڭ ٷلەسٸ - 79 پايىز. قالعان 18 پايىزى اۋرۋدى ورتاشا جاعدايدا باستان ٶتكەرسە, 21 ادامنىڭ جاعدايى اۋىر, ال 2 ادامنىڭ جاعدايى اسا اۋىر كٷيدە بولىپ وتىر», - دەدٸ ايجان ەسماعامبەتوۆا وكق-دا ونلاين رەجيمدە ٶتكەن باسپاسٶز مەسليحاتىندا.
مەملەكەتتٸك باس سانيتارلىق دەرٸگەردٸڭ ايتۋىنشا ەلدەگٸ ستاتسينارلاردا 1180 ەم الۋدا. كوروناۆيرۋس جۇقتىرعان ادامداردىڭ بەرٸنٸڭ دە جاعدايى باقىلاۋعا الىنعان.
«جالپى ۆيرۋس وشاقتارىندا بايلانستا بولعان 31 512 ادام انىقتالدى. ونىڭ ٸشٸندە 30 850 ادام (نەمەسە 98 پايىزى) وقشاۋلانعان. جالپى اۋرۋدى جۇقتىرۋ دەڭگەيٸ ەلدە 15 پايىزدىق مٶلشەردە. الايدا كەيبٸر ٶڭٸرلەردە بۇل كٶرسەتكٸش 20-دان 60 پايىزعا دەيٸنگٸ شامانى كٶرسەتۋدە. بۇل جاعداي ەر ٶڭٸردە ەنگٸزٸلگەن كارانتين تەرتٸبٸن قاتاڭ ساقتاۋعا مەجبٷرلەيدٸ», - دەدٸ ول.
