Foto: t.me/mazhilis_kz
Májilis depýtaty Ermurat Bapi halyqtyń nesiesin jabý úshin aldymen bank ustap otyrǵan olihgarhtardyń saýyqtyrý dep biýdjetten alǵan qarjysyn qaitarý kerek dep aitty, - dep habarlaidy "Ult aqparat" Massaget.kz portalyna silteme jasap.
"Ash adamǵa aqyl qonbaidy... Halyqtyń qaryzyn izdeý máselesinen eki nárseni qozǵaǵym keledi.
Prokýratýra, sizder eski Qazaqstannyń halyq aldyndaǵy qaryzyn nege izdemeisizder? Saýyqtyramyz dep Ulttyq qordan bankterge berilgen trilliondaǵan teńge qaryzdy qaitarýdy nege talap etpeisizder? Sizder halyqtyń qaryzyn emes, birneshe bankti biriktirip, qyrýar saýyqtyrý qarjysyn bir bankke jinastyryp, onyń bárin alyp ketken "nazarbaevtyq oligarhtarǵa" tiesili bankterdiń halyqqa bereshek qaryzyn nege izdemeisizder? Eger sol trilliondar qaitarylsa, halyqtyń qazirgi kredittik qaryzyn 10, 20 ese jaýyp tastaýǵa bolar edi", - deidi depýtat.
Osyǵan bailanysty ol ózekti suraq qoidy.
"Birinshiden, aktivterdi elge qaitaramyz dep zań qabyldadyq. Ol qalai oryndalyp jatyr? Ótkende ýákiletti organ qurý jóninde habar boldy. Biraq ol habar mardymsyz. Prezidenttiń tapsyrmasymen sol aktivterdi qaitarý komitetine 130 adam múshe bolady degen. Biraq qazir 30-40 adam dep qana tur. Naqty komitette qansha adam bar? Komissiianyń quramynda azamattyq qoǵam ókilderinen kimder bar?", - dedi Ermurat Bapi.
Bas prokýrordyń orynbasary Jandos Ómiráliev bul baǵytta jumys júrgizilip jatqanyn atap ótti.
"Siz kóterip otyrǵan másele boiynsha aqparatty berip otyrmyz. Ózińiz bilesiz, 5 qazanda Memleket basshysynyń Jarlyǵymen komitet men onyń shtaty quryldy. 900 mlrd-tan asa qarajat bar. Osynyń bárin memlekettiń paidasyna qaitardyq. Sizderge ony málimet retinde berdik. Syrttan shamamen 600 mln dollar memleketke aýdaryldy. Aýqymdy jumys áli júrgizilip jatyr. Onyń ishinde kóptegen jer qaitaryldy", - dedi ol.
Sondai-aq Bas prokýratýra ókili komissiianyń quramyna kimder kirgenine toqtaldy.
"Árine, komissiianyń quramy bar. Oǵan Parlament depýtattary jáne qoǵamdyq belsendi azamattar kirdi. Olardyń aty-jónin sizge jeke beremin. Komitettiń reestrine birlese otyryp sheshim qabyldandy. Naqty qandai reestrge tulǵalardyń kirgenine qatysty másele áli jabyq. Biraq bul jumys júrgizilip jatyr. Eger zańsyzdyq anyqtalsa, osy reestrge naqty kirgen tulǵalarǵa qatysty sheshim jariia etiledi. Biraq búgingi reglamentti saqtaý úshin sizben jeke kezdesip, másele boiynsha tolyq habar berýge daiynmyn", - dedi Jandos Ómiráliev.
video: NE BOLDY Youtube arnasy
