Úkimettiń keńeitilgen otyrysynda Prezident Qasym-Jomart Toqaev ýtilizatsiialyq alym máselesine arnaiy toqtaldy, dep habarlaidy "Ult aqparat".
"Ýtilizatsiialyq alym boiynsha barlyq qarajat memleket paidasyna túsedi dep sheshtik. Endigi másele – mólsherleme deńgeiin anyqtaý. Jumys toby osy máseleni qyzý talqylap jatyr. Birden aitaiyn, ýtilizatsiialyq alym qaita qaralady. Biraq shekten shyqpaǵan jón. Avtoónerkásipti damytýǵa jumsalǵan aqshany jelge shashýdyń, eski avtokólikterdi syrttan ákelip, qaldyqtan naryq ashýdyń qajeti joq. Ýtilizatsiialyq nemese tirkeý alymy túpki maqsat emes. Bastysy – tutynýshylar úshin avtokólikter men aýyl sharýashylyǵy tehnikasynyń qoljetimdiligin qamtamasyz etý. Óndirýshiler men distribiýterler tarapynan áreket bolady dep senemin. Úkimettiń aldyn ala baiandamasy onyń durys jolda ekenin kórsetedi", - dedi Memleket basshysy.
