Qazaqstan memlekettik syilyǵynyń iegeri, ánshi, kompozitor Eskendir Hasanǵaliev pen onyń jubaiy Dariko Hasanǵalieva koronavirýs juqtyryp, jansaqtaý bóliminde jatyr, dep habarlaidy "Ult aqparat".
Ákesi men anasynyń aýrýhanada jatqanyn uly Birjan Hasanǵaliev Instagram-daǵy paraqshasynda jazdy.
«Sońǵy ýaqytta qanshama qońyraýlar soǵylyp, ata-anamnyń emdelý barysyn bilip jatqandar óte kóp. Úlken raqmet sizderge! 4-5 kún boldy reanimatsiiada jatyr. Dárigerlerdiń «jaǵdaiy turaqty, nasharlaý joq» - degen sózi kóp úmit jáne senim beredi», - dep jazdy ánshiniń uly.
Qoǵamdyq densaýlyq saqtaý basqarmasynyń málimetinshe, qazirgi ýaqytta Eskendir Hasanǵaliev pen jubaiy Dariko Hasanǵalievanyń jaǵdaiy turaqty.
