Foto: QR Bas prokýratýrasynyń baspasóz qyzmeti
Túrkiiadan Qazaqstanǵa esirtki quraldarynyń zańsyz ainalymyna kúdikti ekstraditsiialandy, - dep habarlaidy "Ult aqparat" Bas prokýratýranyń Telegram-arnasyna silteme jasap.
"Túrkiia Respýblikasynyń Ádilet ministrligi esirtki zattaryn asa iri mólsherde satý maqsatynda zańsyz saqtaǵany úshin kúdikti dep tanylǵan áieldi berý týraly Qazaqstan Respýblikasy Bas prokýratýrasynyń suraý salýyn qanaǵattandyrdy.
Isti tergeý barysynda kúdikti qylmystyq qýdalaý organynan jasyrynyp, oǵan halyqaralyq izdeý jariialanǵan. Búgin Bas prokýratýranyń, Ishki ister ministrliginiń qyzmetkerleri Qazaqstan Respýblikasy Syrtqy ister ministrliginiń kómegimen kúdiktini qylmystyq jaýaptylyqqa tartý úshin elge ekstraditsiialady", - delingen habarlamada.
Qazirgi ýaqytta ol Astana qalasynyń tergeý izoliatoryna qamalǵan. Joǵaryda atalǵan qylmysty jasaǵany úshin ol múlki tárkilene otyryp, 10 jyldan 15 jylǵa deiin bas bostandyǵynan aiyrylýy múmkin.
video: QR Bas prokýratýrasy
