Foto: Polisia.kz
Elorda politseileri sheteldik azamat uiymdastyrǵan esirtki zerthanasynan 22 keli “sintetika” jáne 2 tonnadan astam prekýrsordy tárkiledi, – dep habarlaidy Polisia.kz.
Elordalyq politsiia departamentiniń qyzmetkerleri IIM EQQID birlesip, prokýratýramen kelisilgen jedel-tergeý is-sharalar keshenin júrgizý barysynda sintetikalyq esirtki óndirýmen jáne olardy Qazaqstan aýmaǵynda satýmen ainalysatyn qylmystyq toptyń áreketin toqtatqan.
"Arnaiy qurylǵan jedel-tergeý toby, arnaiy maqsattaǵy bólimshelerdiń jaýyngerleriniń qatysýymen, Astanada jáne Qaraǵandy oblysynda tyiym salynǵan zattardy óndirý úshin elge kelgen Ýkraina Respýblikasynyń 52 jastaǵy azamaty basqarǵan qylmystyq toptyń 7 qatysýshysyn bir mezgilde ustady. Sintetikalyq esirtki jasaý úshin qaskúnem Qaraǵandy oblysy Buqar Jyraý aýdany Kernei aýylynda jeke úi satyp alyp, Qazaqstannyń jeti azamatyn jaldaǵan. Anyqtalǵandai, ustalǵandardyń árqaisysynyń “qylmystyq tizbekte” óz rólderi bolǵan", – deidi Astana qalasy PD bastyǵy Marat Tólebaev.
Astana – Qaraǵandy tas jolynda politseiler qylmystyq topta tasymaldaýshy bolǵan elordanyń 43 jastaǵy turǵynyn ustaǵan. Budan ári jedel is-sharalardy ótkizý barysynda qylmystyq top jetekshisiniń ózi de esirtki daiyndaý kezinde ustaldy.
"Esirtki zerthanasyn tintý kezinde óndirilgen “sintetikanyń” 22 kelisi tárkilendi, bul tutynýshyǵa jetpeitin jáne joiylatyn 100 myńǵa jýyq bir rettik dozany quraidy.
Sondai-aq ol jerden eki tonnadan astam prekýrsor, eki reaktor, himiialyq qorǵanys kostiýmderi jáne sintetikalyq esirtki óndirýge arnalǵan basqa da zerthanalyq jabdyqtar tabyldy.
QR QK-niń 297-baby 3-bóligi boiynsha sotqa deiingi is júrgizý bastaldy. Qylmystyq áreketti uiymdastyrýshy múlki tárkilenip, 15 jylǵa deiin bas bostandyǵynan aiyrylýy múmkin" - delingen IIM baspasóz qyzmeti habarlamasynda.
