«Zań men tártip» qaǵidaty aiasynda Shymkent qalasynda politsiia departamentiniń bastamasymen esirtki quraldary men psihotroptyq zattardyń zańsyz ainalymy men jarnamasynyń aldyn alýǵa baǵyttalǵan «Shymkent – esirtkisiz qala» is-sharasy ótti, dep habarlaidy ult.kz.
Is-sharaǵa memlekettik organdardyń ókilderi, politsiia qyzmetkerleri, jastar, eriktiler, qoǵamdyq uiymdar men belsendi azamattardy qosa alǵanda, úsh myńǵa jýyq adam qatysty.
Saptyq jiynnan keiin qatysýshylar qalanyń bes aýdanyna bólinip, politsiia qyzmetkerlerimen birlesip belgilengen aýmaqtardy tekserdi. Jumys barysynda esirtkini nasihattaityn 500-den astam zańsyz jazba anyqtalyp, joiyldy.
Is-shara aiasynda Shymkent qalasynyń barlyq aýdany qamtylyp, turǵyn úilerdiń qabyrǵalary, qorshaýlar men ózge de nysandar tekserildi.
Politsiia azamattardy esirtki quraldarynyń zańsyz ainalymyna qatysty faktilerge beijai qaramai, quqyq qorǵaý organdaryna habarlaýǵa shaqyrady.
