«زاڭ مەن تەرتٸپ» قاعيداتى اياسىندا شىمكەنت قالاسىندا پوليتسييا دەپارتامەنتٸنٸڭ باستاماسىمەن ەسٸرتكٸ قۇرالدارى مەن پسيحوتروپتىق زاتتاردىڭ زاڭسىز اينالىمى مەن جارناماسىنىڭ الدىن الۋعا باعىتتالعان «شىمكەنت – ەسٸرتكٸسٸز قالا» ٸس-شاراسى ٶتتٸ, دەپ حابارلايدى ult.kz.
ٸس-شاراعا مەملەكەتتٸك ورگانداردىڭ ٶكٸلدەرٸ, پوليتسييا قىزمەتكەرلەرٸ, جاستار, ەرٸكتٸلەر, قوعامدىق ۇيىمدار مەن بەلسەندٸ ازاماتتاردى قوسا العاندا, ٷش مىڭعا جۋىق ادام قاتىستى.
ساپتىق جيىننان كەيٸن قاتىسۋشىلار قالانىڭ بەس اۋدانىنا بٶلٸنٸپ, پوليتسييا قىزمەتكەرلەرٸمەن بٸرلەسٸپ بەلگٸلەنگەن اۋماقتاردى تەكسەردٸ. جۇمىس بارىسىندا ەسٸرتكٸنٸ ناسيحاتتايتىن 500-دەن استام زاڭسىز جازبا انىقتالىپ, جويىلدى.
ٸس-شارا اياسىندا شىمكەنت قالاسىنىڭ بارلىق اۋدانى قامتىلىپ, تۇرعىن ٷيلەردٸڭ قابىرعالارى, قورشاۋلار مەن ٶزگە دە نىساندار تەكسەرٸلدٸ.
پوليتسييا ازاماتتاردى ەسٸرتكٸ قۇرالدارىنىڭ زاڭسىز اينالىمىنا قاتىستى فاكتٸلەرگە بەيجاي قاراماي, قۇقىق قورعاۋ ورگاندارىنا حابارلاۋعا شاقىرادى.
