Foto: SQO politsiia departamenti
Atyraýda esirtki men psihotroptyq zattardy tasymaldaǵan 23 jastaǵy jigit 10 jylǵa bas bostandyǵynan aiyryldy, dep habarlaidy «Ult aqparat» Atyraý oblystyq politsiia departamentiniń baspasóz qyzmetine silteme jasap.
Resmi organ málim etkendei, kúdikti byltyrǵy qyrkúiekte ustalǵan.
«Ótken jyldyń qyrkúiek aiynda Atyraý qalasynyń úsh turǵyny esirtki zatyn zańsyz tasymaldap júrgen er adamdy baiqap, politsiiaǵa habar bergen. Osyǵan bailanysty esirtki qylmysyna qarsy is-qimyl basqarmasynyń qyzmetkerleri 2001 jylǵy jigitti anyqtap, ustady. Oqiǵa ornyndaǵy tintý kezinde 23 jastaǵy kúdiktiden salmaǵy 13,66 gramm iri mólsherdegi psihotroptyq zattar men 0,94 gramm bolatyn mefedron esirtkisi tárkilengen edi», - dep habarlady departamenttiń baspasóz qyzmeti.
Politsiia qyzmetkerleri kúdiktige qatysty sotqa deiingi tergeý júrgizip, isti sotqa joldady.
Atyraý oblysynyń qylmystyq ister jónindegi mamandandyrylǵan aýdanaralyq sotynyń úkimimen 23 jastaǵy jigit 10 jylǵa bas bostandyǵynan aiyryldy.
Eske sala ketelik, buǵan deiin Atyraýda 5 kúnde 5 tonna prekýrsor men 3 myńǵa jýyq esirtki tárkilengenin jazǵan bolatynbyz.
