فوتو: سقو پوليتسييا دەپارتامەنتٸ
اتىراۋدا ەسٸرتكٸ مەن پسيحوتروپتىق زاتتاردى تاسىمالداعان 23 جاستاعى جٸگٸت 10 جىلعا باس بوستاندىعىنان ايىرىلدى, دەپ حابارلايدى «ۇلت اقپارات» اتىراۋ وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
رەسمي ورگان مەلٸم ەتكەندەي, كٷدٸكتٸ بىلتىرعى قىركٷيەكتە ۇستالعان.
«ٶتكەن جىلدىڭ قىركٷيەك ايىندا اتىراۋ قالاسىنىڭ ٷش تۇرعىنى ەسٸرتكٸ زاتىن زاڭسىز تاسىمالداپ جٷرگەن ەر ادامدى بايقاپ, پوليتسيياعا حابار بەرگەن. وسىعان بايلانىستى ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ 2001 جىلعى جٸگٸتتٸ انىقتاپ, ۇستادى. وقيعا ورنىنداعى تٸنتۋ كەزٸندە 23 جاستاعى كٷدٸكتٸدەن سالماعى 13,66 گرامم ٸرٸ مٶلشەردەگٸ پسيحوتروپتىق زاتتار مەن 0,94 گرامم بولاتىن مەفەدرون ەسٸرتكٸسٸ تەركٸلەنگەن ەدٸ», - دەپ حابارلادى دەپارتامەنتتٸڭ باسپاسٶز قىزمەتٸ.
پوليتسييا قىزمەتكەرلەرٸ كٷدٸكتٸگە قاتىستى سوتقا دەيٸنگٸ تەرگەۋ جٷرگٸزٸپ, ٸستٸ سوتقا جولدادى.
اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸمەن 23 جاستاعى جٸگٸت 10 جىلعا باس بوستاندىعىنان ايىرىلدى.
ەسكە سالا كەتەلٸك, بۇعان دەيٸن اتىراۋدا 5 كٷندە 5 توننا پرەكۋرسور مەن 3 مىڭعا جۋىق ەسٸرتكٸ تەركٸلەنگەنٸن جازعان بولاتىنبىز.
