«Samuryq-Qazyna» UÁQ» AQ Basqarma tóraǵasy Ahmetjan Esimov qordyń portfeldik kompaniialarynyń basshylarymen keńes ótkizdi. Jiyn barysynda birqatar kompaniialardyń qyzmeti, qarjylyq jaǵdaiy jáne damý baǵdarlamalaryn júzege asyrý máseleleri qarastyryldy, dep habarlaidy "Ult aqparat" qordyń baspasóz qyzmetine silteme jasap.
Ahmetjan Esimov «Samuryq-Energo» AQ basqarma tóraǵasynyń ekonomika jáne qarjy jónindegi basqarýshy direktory Q. Maqsutovty qyzmetinen bosatýdy, sonymen birge «Samuryq-Energo» AQ basqarma tóraǵasy A. Sátqalievke sógis jariialaýdy jáne jyldyq bonýstaryn alyp tastaýdy buiyrdy.
Keńes barysynda Ahmetjan Esimov «KEGOC» AQ Qarjy jáne esepke alý jónindegi basqarýshy direktory A. Botabekovti tártiptik jaýapkershilikke tartýdy tapsyrdy. Ulttyq ál-aýqat qorynyń basshysy IPO sátti shyǵý úshin jolaýshylar ainalymy, kiris jáne taza tabys boiynsha josparlanǵan kórsetkishterge qol jetkizýdi, qorjyndyq kompaniialarda transformatsiialaý baǵdarlamasy boiynsha jol kartalaryn bekitýdi mindettedi.
Jiyn barysynda qor tobyndaǵy kompaniialar qyzmeti boiynsha basqa máseleler qarastyryldy.
Sonysmen qatar, Ahmetjan Esimov «Taý-ken-Samuryq» AQ basqarma tóraǵasy retinde Qanat Qudaibergenovti tanystyrdy.
Qanat Qudaibergenov 2016 jyldan bastap 2018 jylǵa deiin «Qarataý» JShS jáne «Qazatomónerkásip» UAK»AQ bas direktory qyzmetinde jumys istedi, sondai-aq, 2018 jyldyń sáýir aiynan bastap «Taý-ken-Samuryq» AQ-nyń basqarma tóraǵasy mindetin atqardy. Sonymen qatar, Qanat Qudaibergenovke «Taý-ken-Samuryq» AQ-nyń uiymdyq qurylymyn retteý júkteldi.
Esterińizge sala keteiik, atalmysh kompaniianyń burynǵy basqarma tóraǵasy Májit Turmaǵambetovtyń kelisimshart merzimi aiaqtaldy jáne odan ári uzartylmady.
