Almatyda «Samuryq-Qazyna» UÁQ» AQ Basqarma tóraǵasy Ahmetjan Esimov pen Almaty ákimi Baqytjan Saǵyntaev qalany damytý máseleleri boiynsha kezdesý ótkizdi, dep habarlaidy "Ult aqparat".
Kezdesý barysynda «Samuryq-Qazyna» UÁQ AQ men Almaty ákimdigi Energetikalyq, aqparattyq-kommýnikatsiialyq, áleýmettik salalardaǵy jobalardy iske asyrý jónindegi yntymaqtastyq týraly memorandýmǵa qol qoidy.
Memorandým energetika keshenin, elektrondyq saýda men poshta jelisin, aqparattyq-kommýnikatsiialyq infraqurylymdy, import almastyrýdy jáne jergilikti qamtýdy damytý, sondai-aq Almaty kásipkerlerine Qor tobynyń satyp alýlaryna qatysý siiaqty baǵyttardy qamtidy.
Qor basshysy import almastyrýdy jáne jergilikti qamtýdy damytý maqsatynda Almaty qalasynda jańa óndirister qurý boiynsha jobalardy irikteýdi júrgizetinin atap ótti.
«Biz Qazaqstanda óndirilmeitin taýarlarǵa zertteý júrgizemiz jáne eger investor óndiristi iske qossa, biz satyp alýdy qamtamasyz etemiz. Qor osyndai jobalardy qoldaýdy offteik kelisimsharttarǵa qol qoiý arqyly júzege asyrdy, iaǵni bul aldyn ala tólem jasaý arqyly uzaq merzimdi tapsyrystar mehanizmi arqyly júrgiziledi»,- dedi Qordyń Basqarma tóraǵasy Ahmetjan Esimov.
Almatyda uialy bailanys qyzmetiniń sapasyn jaqsartý sheńberinde «Samuryq Qazyna» qory 2019-2020 jyldary 2G/3G/4G standartynyń 63 bazalyq stantsiiasyn jáne 2021 jylǵa qarai 5G standartynyń ilki jobasyn iske qosýdy qamtamasyz etýge yntaly bolyp otyr.
«Memorandým qalanyń biznes-qoǵamdastyǵynyń qor kompaniialarymen yntymaqtastyǵyn nyǵaitý boiynsha naqty sharalardy qamtidy. Bizdiń kásipkerler »Samuryq-Qazyna« UÁQ qajettilikteri úshin joǵary sapaly ónim jetkizýge daiyn. Árine, bailanystardyń nyǵaiýy Almaty ekonomikasynyń damýyna jáne almatylyqtardyń ómir súrý sapasyn arttyrýǵa úlken qoldaý kórsetedi», - dedi Baqytjan Saǵyntaev.
Qujat sondai-aq jylýmen jáne elektrmen qamtamasyz etý júielerin perspektivaly damytýdyń biryńǵai tehnikalyq saiasatyn anyqtaýdy, ShOB-ty damytýǵa jáne daryndy jastardy jumyspen qamtýǵa jáne qoldaýǵa járdemdesýdi, utqyr bailanys qyzmetteriniń sapasyn jaqsartýdy jáne internet jelisine sapasy joǵary jyldamdyqqa qoljetimdilikti qamtamasyz etýdi kózdeidi.
Sonymen qatar, taraptar tabiǵi gazdy motorly otyn retinde paidalanýdy keńeitýde, áleýmettik sala máselelerin sheshýde, Almaty qalasyn «Aqyldy qala» retinde damytý jónindegi sharalardy qoldanýda, sondai-aq turǵyn úi kommýnaldyq sharýashylyǵyn avtomattandyrýda jáne qala qaýipsizdiginiń monitoringin qamtamasyz etýde yntymaqtasatyn bolady.
Memorandýmǵa sáikes áleýmettik sala máselelerin sheshýde áleýmettik jetimdiktiń aldyn alý, aýtizmdi dári-dármeksiz túzetý, balalardy otbasyna ornalastyrýǵa zańdy túrde qoldaý kórsetý, sport pen salaýatty ómir saltyn nasihattaý, túzeti mektepteri men balabaqshalaryn, palliativtik kómek aýrýhanalaryn, týberkýlezge qarsy dispanserlerdi materialdyq-tehnikalyq jaraqtandyrý baǵyttary boiynsha máseleleri sheshiletin bolady.
