Esil ózeninde balyqtyń jappai qyrylýyna jol bermeý jáne toqtatý jumystary júrgizildi, dep habarlady Sputnik agenttigi ekologiia, geologiia jáne tabiǵi resýrstar ministrliginiń balyq sharýashylyǵy komitetine silteme jasap.
"Muz astynda ólgen balyq jinalyp, zerthanaǵa jiberildi. Nátijesi belgili bolǵannan keiin jariialanady. Boljam boiynsha, balyq muz astynda otteginiń jetispeýinen qyrylǵan bolýy múmkin", - delingen baspasóz habarlamasynda.
Aqmola oblysy Astrahan aýdany Novocherkasskoe aýylynyń mańynda Esil ózeninde 85 kelige jýyq óli balyq jinaldy.
Qazir aýyl sharýashylyǵy ministrligi veterinarlyq baqylaý jáne qadaǵalaý komitetiniń Aqmola oblysy aýmaqtyq inspektsiiasynyń ókilderimen birlesip synaq jumystary júrgizilip jatyr.
Qalǵan balyq sanitarlyq normalardy saqtap joiyldy.
Qazir ózen sýyn májbúrli aeratsiialaý úshin eki motopompa ornatyldy. Bul muz astyndaǵy sýdy ottegimen qamtamasyz etýge kómektesedi. Sý qoimasynyń jai-kúii baqylaýda.
