Mádeniet jáne sport ministrligi eldegi jetekshi respýblikalyq mýzei-qoryqtardyń bárine vizit ortalyqtar salmaqshy, dep habarlaidy QazAqparat.
Mádeniet jáne sport ministri Aqtoty Raiymqulova el aldyndaǵy esebi barysynda osy baǵyttaǵy josparlaryn ortaǵa saldy.
«Elimizdiń barlyq jetekshi respýblikalyq mýzei-qoryqtarynyń aýmaǵynda vizit ortalyqtardyń qurylysy men olardy mýzeilendirý jumystary júrgizilýde. 2020 jyly «Ulytaý» mýzei qoryǵy vizit ortalyǵynyń qurylysy aiaqtaldy. Biyl Saýran, Gaýhar ana jáne Ordabasy vizit ortalyqtarynyń qurylysy aiaqtalady. Sonymen qatar, 2022 jyly qurylysy josparlanyp otyrǵan «Esik» jáne «Berel» vizit ortalyqtarynyń jobalyq-smetalyq qujattamasy ázirlenip jatyr», - dedi ministr ortalyq kommýnikatsiialar qyzmetinde.
