Almaty oblysy Esik qalasynyń ákimi para aldy dep kúdikke ilindi, dep habarlaidy "Ult aqparat" Cybailas jemqorlyqqa qarsy is-qimyl agenttiginiń baspasóz qyzmetine silteme jasap.
"Jergilikti atqarýshy organdardyń zańsyz áreketteri boiynsha azamattardyń shaǵymdaryna jedel den qoiý nátijesinde jemqorlyq qylmystyq quqyq buzýshylyq jasaýda Almaty oblysy Esik qalasynyń ákimi áshkerelendi.
Ol qalanyń oiyn alańyn abattandyrý jónindegi jumystardy memlekettik satyp alý sharty boiynsha biýdjet qarajatyn kedergisiz tólegeni úshin jeke kompaniia ókilinen iri mólsherde para aldy dep kúdikke ilindi.
Kúdikti kináni tolyǵymen moiyndady" - delingen habarlamada.
Sotqa deiingi tergeý jalǵasyp jatyr.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
